<p>İşğaldan azad edilmiş ərazilərdə 100 min hektara qədər taxıl səpilib, biçilib.<br/> Taxıl istehsalının həcmi həlledici olaraq yüksəlib.</p> <p>Dünya bazarında enerji daşıyıcılarının qiymətinin artması ilə neft gəlirlərimiz də durmadan artır.</p> <p>İlin əvvəlindən “Cənub Axını” kəməri ilə qaz ixracı başlanıb.<br/> İlham Əliyevin dediyi kimi qaz yataqlarımızda sonsuz həcmdə qaz ehtiyatlarımız var…<br/> Dövlət büdcəsinə daxil olan vəsaitlər artdıqca əhalinin həyat səviyyəsi yüksəlmək əvəzinə daha da aşağı düşür. Əhalinin gəlirləri, maaşlar, pensiyalar artmasa da gündəlik tələbat mallarının, ərzağın, tikinti materiallarının qiyməti günbəgün artır.</p> <p>Əhali yoxsullaşdıqca komunal xidmətlərin qiyməti endirilmək əvəzinə daha da artırılır.<br/> Əhalini soymaq üçün bütün sahələrdə yeni-yeni tələlər qurulur, fəndlər işlədilir.<br/> İl ərzində dəfələrlə neftin, qazın, elektrik enerjisinin qiymətinin qaldırılması isə əhalinin əksəriyyətini təşkil edən yoxsul təbəqənin belini qırır.</p> <p>Əhali yoxsulluğa, hər gün yalnız doyunca yemək, övladının dərsliyini, geyimini təmin etmək, kommunal və kredit borclarını ödəmək naminə gecə-gündüz çabalamağa məhkum edildiyi zaman dünyanın hər yerindən Azərbaycan xalqına məxsus olan milyonların, ofşor hesablarda gizlədilən milyardların sorağı gəlir.</p> <p>Xalqın yoxsul və varlı təbəqəsi arasında uçurum getdikcə dərinləşir.<br/> Varlılar daha da varlanır, yoxsullar daha da yoxsullaşır.</p> <p>Cəmiyyətdə təbəqələşmə siyasiti dövlət siyasəti səviyyəsinə qaldırılıb.<br/> Azərbaycanı uçuruma aparan bu siyasət, xalqa qarşı belə alçaldıcı davranış durdurulmalıdır.<br/> Ya yuxarılar durdurmalıdır ya da aşağılar durduracaq.<br/> Bu vətən bizimdir!</p> <p><strong>Müsavat partiyasının başqanı Arif Hacılı</strong></p>
<p><strong>Gölün quruması duz fırtınaları riskinin dahada çoxalmasına səbəb olub.</strong></p> <p>Qərbi Azərbaycan əyalətinin Ətraf Mühitin Mühafizəsi İdarəsinin başçısı Mehran Nəzəri, əyalətdə ən əhəmiyyətli ekoloji problemin su çatışmazlığı, xüsusilə son bir ildə Urmu gölünün səviyyəsinin kəskin azalması olduğunu deyərək, bunun nəticəsində bölgədə duz tozu fırtınaları riskinin kəskin artdığını bildirib.</p> <p>Onun sözlərinə görə, ötən ilin oxşar dövrü ilə müqayisədə göldə suyun səviyyəsi 61 santimetr, gölün sahəsi 1423 kvadratkilometr, movcud olan suyun həcmi isə 2 milyard kubmetr azalıb.</p> <p>Nəzəri, gölün bərpası yönündə işlərin ləngidilməsi təqdirdə bütün bunların güclü duz fırtınalarının baş verəcəyini və ətraf bölgələrdə olan bütün yaşayış yerlərini öz təsiri altına alacağını qeyd edib.</p> <p>Ətraf Mühitin Mühafizəsi İdarəsinin başçısı Urmu gölündə su səviyyəsinin azalması nəticəsində adaların bir-biri və quru ilə birləşdiyini, çox sayda bataqlıqların ortaya çıxdığını və bunun adalarda yaşayan nadir heyvan növləri. vəhşi təbiət üçün ciddi təhlükə törətdiyini söyləyib.</p> <p>Qeyd edək ki, bundan öncə oktyabrın 6-da Qərbi Azərbaycan Ətraf Mühitin Mühafizəsi Baş İdarəsinin sədr müavini Höccət Cabbari bölgədə yaşayan nadir heyvan növlərinin təhlükə qarşısında olduğunu deyib.</p> <p>O, suyun quruması nəticəsində Aşk və Kəbudan adalarının gölün cənub sahilləri ilə birləşdiyini deyib. Onun szölrinə görə, bu, vəhşi təbiətə, qoç özəlliklə bölgəyə xas olan “Sarı maral” növlərinin həyatının risk altına düşməsinə səbəb olub.</p> <p>“Suyun azalması bitki örtüyünün aradan getməsi ilə yanaşı adaların quru ilə birləşməsinə, adı çəkilən nadir heyvan növlərinin adalardan çıxaraq ətraf bataqlıqlarda məhv olmasına səbəb olacaq”-deyə, H.Cabbari bildirib.</p> <p>Ətraf Mühitin Mühafizəsi Baş İdarəsinin sədr müavini eyni halda belə olduğu təqdirdə yırtıcı heyvanların bölgəyə girməsinə, ekosistemin kəskin dəyişməsinə səbəb olacağını qeyd edib.</p>
<p><strong>Lionel Messi DÇ-2022-nin Argentina – Peru oyununun (1:0) baş hakimi Vilton Sampayonun işindən narazı qalıb.</strong></p> <p><strong>Sozcu.az</strong>-ın “Marca” nəşrinə istinadən verdiyi xəbərə görə, Argentina millisinin kapitanının fikrincə, Sampayo Perunun lehinə şübhəli qərarlar verib. Matçdan sonra Messinin Sampayonun üvnanına bu sözləri dediyi bildirilir: “Hər dəfə o, bizim oyunumuzu idarə edəndə bənzər səhvlər edir. Deyəsən, o, qəsdən bu səhvlərə yol verir”.</p> <p>Əlavə edək ki, bugünə qədər bir neçə argentinalı futbolçu braziliyalı Sampayonun onlara qarşı qərəzli hakimlik etdiyini bildirib.</p>
<p>Qərbi Azərbaycan əyalətinin mərkəzi Urmu şəhərində şəhərdaxili ictimai nəqliyyat vasitələri çatışmır.</p> <p>Üstəlik xəttə buraxılan avtobusların yararsız olması əhalini narazı salır.</p> <p>Bu barədə “İlna” xəbər agentliyi xəbər yayıb. Məlumatda bildirlir ki, ictimai nəqliyyat vasitələrinin azlığı ilə yanaşı xəttə buraxılan avtobusların keyfiyyətsizdir və standartlara uyğun deyil.</p> <p>Maraqlıdır ki, hər gün hakimiyyət orqanları tərəfindən Urmu sakinlərinə ictimai nəqliyatdan istifadə barədə tövsiyyələr verilir. Lakin əlaqədar qurumlar ictimai nəqliyyat vasitələrində gigiyenik qaydalara riayət olunmasına, ximdətin keyfiyyətinin yüksəldilməsinə əhəmiyyət vermir.</p> <p>Ona görə də insanlar şəxsi nəqliyyatdan istifadəyə üstünlük vermək məcburiyyətində qalırlar.</p> <p>Urmulu öyrənci Əli Himməti “İlna”nın müxbiri ilə danışığında gündəlik avtubsdan istifadə etdiyini bildirib.</p> <p>Onun sözlərinə görə, ancaq nəqliyyat vasitələrində normal havalandırma sistemi yoxdur, təmizlik işləri aparılmır, avtobuslar tez-tez sıradan çıxıb yolda qalır, nəticədə sərnişinlər əziyyət çəkir.</p> <p>Başqa bir Urmu sakini Rza Zarei deyib ki, avtobusların çoxu köhnə və texniki cəhətdən nasazdır. Bu cür avtobuslara isə insanlar minmək istəmir.</p> <p>Onun sözlərinə görə,ildə bir neçə dəfə taksi və avtobus xidmətlərinin qiyməti qaldırılsa da, xidmətin səviyyəsi aşağıdır.</p> <p>Urmu Bələdiyyəsinin Yük və Sərnişin Nəqliyyatı Təşkilatının rəhbəri Nasir Səidabadi şəhərə nəqliyyatı ilə bağlı deyilənlərin həqiqəti əks etdirdiyini bildirib.</p> <p>Səidabadi hal-hazırda 10 avtobusun təmir üçün qaraja göndərildiyini və yaxın iki ay ərzində istifadəyə veriləcəyini söyləyib.</p> <p>Milyonluq Urmu şəhərində yüzlərlə qeyri-standart avtobusun fəaliyyət göstərdiyini nəzərə alsaq Yük və Sərnişin Nəqliyyatı Təşkilatının rəhbərinin qeyd etdiyi 10 avtobusun təmirinin ictimai nəqliyyat probleminin həllinə heç bir təsir göstərməyəcəyi aydın olar.</p> <p>Bundan öncə Urmu şəhərində avtobus sürücüləri hüquqlarının pozulmasına etiraz olaraq aksiya keçiriblər. Onlar əmək haqlarının ödənilməsini, istifadəyə yararsız avtobusların yeniləri ilə əvəz olunmasını tələb ediblər.</p> <p>Əlaqədar qurumlar bu sahədə olan problemləri irana qarşı beynəlsanksiyalarla əlaqələndirərək məsuliyyəti öz üzərlərindən atıb və bəzi qərb ölkələrini problemin səbəbkarı kimi vətəndaşlara hədəf göstəriblər.</p> <p>Qeyd edək ki, sanksiyaları bəhanə edərək Urmu şəhərinin avtobus parkına bir yeni avtobus ayırmayan hökumət, Cari günəş ilində İsfahan şəhərinin avtobus parkına 100 yeni avtobus verib.</p>
<p><strong>“Rusiya sülhməramlı qüvvələrinin məsuliyyət zonasında Azərbaycanın mülki hərbi kolonunun erməni silahalı birləşmələri tərəfindən atəşə məruz qalması onu göstərir ki, Bəyannamənin 4-cü bəndi yerinə yetirilmədiyi halda, ermənilər terroru davam etdirəcəklər”.</strong></p> <p><strong>Sozcu.az</strong> xəbər verir ki, bu fikirləri KONKRET.az-a açıqlamasında politoloq Məhəmməd Əsdullazadə səsləndirib. O bildirib ki, Rusiya bölgədə silahli erməni birləşmələrinin qalmasına, bununla da, öz “sülhməramlı” fəaliyyətini davam etdirməyə çalışır: “Ermən silahlı birləşmələrinin hücumu ilk və son deyil. Belə bir terror hücumları yenə də gözlənilir. Ona görə də mütləq şəkildə qanunsuz ermeni silahlı birləşmələri çıxarılmalıdır və onlara qarşı sərt tədbirlər görülməlidir. Ümumiyyətlə silahlı erməni birləşmələri ərazilərimizdə qaldıqca, Bəyannamənin 7-ci bəndinin yerinə yetirilməsi mümkün olmayacaq”.</p> <p>Politoloq əlavə edib ki, Azərbaycanın qalibiyyəti və regionda diktə edən tərəf olan Türkiyə ilə hərbi ittifqı, İranın hərbi təhdidlərinə qarşı sərt cavab verməsi ilə nəticələnib: “Belə olan təqdirdə, Azərbaycan kiçik bir ərazidə qanunsuz erməni silahlı birləşmələrinin qalmasına və onların bu kimi təxribatlara əl atmasına dözümlü yanaşmamalıdır. Əgər ermənilərin atəşi nəticəsində vətəndaşlarımız şəhid olsaydı, bu çox ciddi bir prosesə çevriləcəkdi”.</p>
<p><strong>Bütöv Azərbaycan Birliyinin İdarə Heyətinin sədri Aqil Səmədbəyli koronavirusa yoluxub.</strong></p> <p>Sozcu.az -ın əldə etdiyi məlumata görə, Aqil Səmədbəyli hazırda İstanbulda xəstəxanada həkim nəzarəti altındadır. Aqil Səmədbəylinin səhhətinin normal olduğu bildirilir.</p>
<p><strong>“İranın Zəngəzur dəhlizinə alternativ yaratmaq cəhdləri əbəs yerədir. Bu, sadəcə Zəngəzur dəhlizinə, onun mahiyyətinə mane olmaq məqsədi daşıyır. Alternativ dəhlizdə maraqlı qüvvələr var. Bu qüvvələr təkcə İran və Ermənistan deyil, həm də Hindistandır”.</strong></p> <p><strong>Sozcu.az</strong> xəbər verir ki, Bu fikirləri Demokrat.az-a açıqlamasında təhlükəsizlik məsələləri üzrə ekspert İlham İsmayıl bildirib.</p> <p>Ekspert qeyd edib ki, Hindistan da birbaşa şəkildə alternativ dəhlizin yaradılmasının tərəfdarıdır:</p> <p>“Hindistan XİN rəhbərinin bu günlərdə Ermənistana səfəri də bununla əlaqəlidir. Çinin də alternativ dəhlizdə müəyyən qədər maraqlı tərəf olduğunu deyə bilərik, lakin bu, Zəngəzur dəhlizinin region ölkələri üçün daha əhəmiyyətli variant olduğu reallığını dəyişdirmir. İran Zəngəzur dəhlizinə alternativ yaratmağa çalışsa belə, Rusiya amili onun qarşısında olacaq. Rusiya isə Zəngəzur dəhlizinin açılmasında maraqlıdır və dəhlizin ən qısa zamanda işə düşməsi üçün çalışır. İran da yaxşı anlayır ki, Rusiyanın regionda təsiri hansı dərəcədədir. Düzdür, Zəngəzur dəhlizi açılmasa, Rusiya alternativ yollardan-dəhlizlərdən istifadə edə bilər, amma bu, onun maraqlarına xidmət etməyəcək. Bu halda, Rusiyanın əldə edəcəkləri daha az olacaq. Digər tərəfdən, başqa bir dəhliz yaradılsa, mütləq şəkildə Gürcüstan ərazisindən keçməlidir. Gürcüstanın bu məsələyə necə yanaşacağı isə bilinmir. Çünki qısa müddət əvvəl Gürcüstan tərəfi İrandan gələn yükləri saxladı, İran vətəndaşlarının ölkəyə girişini qadağan etdi. Bir sözlə, istənilən halda, İranın Zəngəzur dəhlizinə alternativ yaratmaq cəhdləri bir çox maneə ilə qarşılaşacaq. İran da bunu yaxşı anlayır, sadəcə Zəngəzur dəhlizinə mane olmaq cəhdlərini davam etdirmək niyyətindədir. Lakin alternativ dəhlizin region üçün əhəmiyyətli rol oynayacağını və digər dövlətlər tərəfindən müsbət qarşılanacağını düşünmürəm”.</p> <p>İranın sərhədə və Xəzər dənizinə yeni qüvvələr göndərməsinə toxunan ekspertin sözlərinə görə, bu, ciddi bir hadisə deyil: “İranın sərhədə və Xəzər dənizinə yeni qüvvələr göndərməsi böyük əhəmiyyət daşımır. İran əvvəldən Azərbaycana qarşı öz niyyətini bəlli edirdi, son hadisələrlə bunu daha açıq ortaya qoydu. Belə fikirlər var ki, İranın bu hərəkətləri İsrail və Türkiyəyə qarşıdır, amma mən belə düşünmürəm. İran birbaşa nə İsrailə, nə də Türkiyəyə qarşı addımlar atır, bəyanatlar verir. İranın bütün addımları Azərbaycana qarşı yönəlib. İran Azərbaycanı qorxutmaq, təhdid etmək istəyir, amma bu istəyi heç cür alınmır. İran Rusiyadan dəstək görmək istəyirdi, amma İran XİN-in Moskvaya səfəri gözlədiyi və istədiyi kimi nəticələnmədi. Nəticə etibarilə, İran öz imicinə zərbə vurdu, əsl üzü və niyyətləri məlum oldu. İranın Azərbaycana qarşı addımları ilə niyyəti açıq müstəviyə çıxdı. Son hadisələrə nəzərən deyə bilərik ki, İran tərəfi artıq Azərbaycanla müsbət yeniliklərin olmasında maraqlıdır, bunun əhəmiyyətini başa düşür. Lakin bunun üçün daha fərqli addımlar atılmalıdır. İranla Azərbaycan arasında güc savaşı olmadı, daha çox soyuq müharibə gedir. Azərbaycan da İranın məqsəd və niyyətini anladı. İran təxribatlarını davam etdirdikcə özünü daha çətin vəziyyətə salır. Onun sərhədə və ya Xəzər dənizinə qüvvələr göndərməsinin heç bir əhəmiyyəti yoxdur”.</p>
<p>Çinarlı qəsəbəsi Şəmkirin ən böyük qəsəbələrindən biridir. Ümumilikdə qəsəbənin 10 mindən artıq sakini var. Qəsəbə 1888-ci ildə almanlar tərəfindən salınıb. Həmin zamanlardan Şəmkirdə ən gözəl küçələrə, evlərə, infrastruktura sahib yaşayış yerlərindən biri sayılır. Zamanında almanlar bu gözəllikləri yaradaraq bizlərə bəxş ediblər. Bizdə almanlardan qalan ənənələrə sadiq qalaraq Çinarlı qəsəbəsinin dahada gözəlləşməsi, inkişaf etməsi üçün bütün bacara biləcəyimiz və gücümüz çatan işləri icra etməliyik.</p> <p>Çinarlı qəsəbəsi Şəmkir-Gəncə, həmçinin Şəmkir şəhər-Seyfəli kənd avtobus marşrutlarının keçdiyi əraziyə daxildir. Marşrut xətti var amma qəsəbə içərisində avtobus dayanacağı mövcud deyil. Yağışlı, küləkli, isti günəşli havada qəsəbə sakinləri müxtəlif məkanlarda dayanaraq marşrutlara minərək yollarına davam edirlər. Bu səbəbdən mütləqdir ki, qəsəbə ərazisində ən azı iki avtobus dayanacağı yaradılmalıdır. Dayanacaqların yaradılması üçün aidiyyatı qurumların bu məsələyə diqqət ayırmasını istəyirik.</p> <p><strong>Çinarlı Sosial İnkişaf və Xeyriyyə Birliyi İdarə Heyətinin üzvü – Ceyhun Nəbi</strong></p>
<p><strong>Argentina millisi DÇ-2022-nin Cənubi Amerika zonası üzrə seçmə mərhələsində növbəti oyununu keçirib.</strong></p> <p><strong>Sozcu.az</strong> xəbər verir ki, komanda Uruqvayı qəbul edib. Qarşılaşma meydan sahiblərinin 3:0 hesablı qələbəsi ilə yekunlaşıb. Braziliya millisi isə səfərdə Kolumbiya ilə qolsuz heç-heçə edib.</p> <p>Argentina – Uruqvay – 3:0</p> <p>Qollar: Messi 38, Rodriqo De Paul 44, Martines 64</p> <p>Kolumbiya – Braziliya – 0:0</p> <p>Braziliya 28 xalla liderdir. Argentina 22 xalla ikinci, Ekvador və Uruqvay hərəyə 16 xalla 3-4-cü, Kolumbiya isə 15 xalla 5-cidir.</p>
<p><strong>“Moody’s Investors Service”ə (“Moody’s”) görə, COVID-19 pandemiyası ərəfəsində Azərbaycanın ümumi dövlət borcunun ÜDM-ə nisbəti təxminən 20% təşkil edib. Bu, Mərkəzi Asiya və Qafqaz regionunda yerləşən ölkələr arasında Qazaxıstandan sonra ən yaxşı göstəricidir.</strong></p> <p>Sozcu.az-ın “Moody’s”ə istinadən verdiyi məlumata görə, pandemiyaya və aşağı nefti qiymətləri ilə bağlı şoklara baxmayaraq, Azərbaycanın maliyyə buferlərinin düşünülmüş idarəetməsi ölkəni əlavə borclanmadan qurtararaq ümumi dövlət borcunun ÜDM-ə nisbətini 2023-cü ilədək 24-25%-dən çox yüksəlməyə imkan verməyəcək. Nəticədə, bu göstəriciyə görə, ölkə 2023-cü il üçün Qazaxıstanı da qabaqlayaraq region lideri olacaq.</p> <p>Qeyd edək ki, Maliyyə Nazirliyinin son məlumatlarına görə, Azərbaycanın ümumi dövlət borcu 17,352 mlrd. manat və ya ÜDM-in təxminən 21,6%-ni təşkil edib.</p> <p>Xatırladaq ki, Maliyyə Nazirliyinin 2022-2025-ci illər üçün makrofiskal çərçivə və 2022-ci il üçün icmal və dövlət büdcələrinin ilkin göstəricilərinə dair açıqlamasında Azərbaycanın ümumi dövlət borcunun ÜDM-də payının 2025-ci ilədək 20%-ə çatdırılması hədəfləndiyi deyilir.</p>
<p><strong>Oktyabrın 8-də Ağır Cinayətlər Məhkəməsinində AXCP fəalı Niyaməddin Əhmədovun işi üzrə məhkəmə başa çatıb. Məhkəmə binasının qarşısında polis dəstələri düzülüb. Proses açıq olsa da, polis zala heç kimi buraxmayıb. Polis məhkəməyə gələn bir neçə AXCP fəalını saxlayıb.</strong></p> <p>Hakim Niyaməddin Əhmədovun 13 il müddətinə azadlıqdan məhrum edilməsi barədə hökm çıxarıb.</p> <p>Xatırladaq ki, Niyaməddin Əhmədov partiya sədri Əli Kərimlinin mühafizəçisidir. O, 2020-ci il aprelin 15-də saxlanılıb. Ertəsi gün məhkəmə onu karantin rejimini pozma və polisə tabe olmama ittihamı ilə 30 gün müddətinə həbs edib. Sonradan o, yeni maddə ilə – terrorçuluğu maliyyələşdirməkdə ittiham olunub və məhkəməyə verilib. AXCP bütün ittihamların uydurma olduğunu, Əhmədovun siyasi motivlərlə həbs edildiyini bəyan edib.</p> <div class="container" no-gutters"> <div class="row"> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/10/08/3750881.jpg"> <img class="img-fluid" alt="" src="https://cdn.azerforum.com/2021/10/08/3750881.jpg"/> </a> </div> </div> </div>
<p>Milli Məclis “Müstəqillik Günü haqqında” qanun qəbul etməyə hazırlaşır. Prezident İlham Əliyevin təşəbbüsü olan qanun layihəsi mayın 28-nin Müstəqillik Günü, oktyabrın 18-nin Müstəqilliyin Bərpası Günü elan olunmasını nəzərdə tutur. Hazırda mayın 28-i Respublika Günü, oktyabrın 18-i Dövlət Müstəqilliyi Günüdür.</p> <p>1918-ci il mayın 28-də Azərbaycan Xalq Cümhuriyyəti qurulub. 1920-ci ilin aprelində Rusiya Azərbaycanı işğal edərək cümhuriyyəti süquta uğradıb.</p> <p>1991-ci il avqustun 30-da respublika parlamenti Azərbaycanın dövlət müstəqilliyi haqqında bəyannamə, oktyabrın 18-də dövlət müstəqilliyi haqda konstitusiya aktı qəbul edib, dekabrın 29-da həmin akt ümumxalq səsverməsi ilə təsdiqlənib.</p> <p>Novator.az-ın məlumatına görə, oktyabrın 11-də parlamentin müzakirəsinə çıxarılacaq “Müstəqillik Günü haqqında” qanun layihəsinə münasibət bildirən Müsavat Partiyasının başqanı Arif Hacılı yazır: “28 May bundan sonra Müstəqillik Günü kimi qeyd olunacaq. Şübhəsiz, 28 May müqəddəs bayramlarımızdan biridir. Bizim Azərbaycan Xalq Cümhuriyyətindən əvvəl də dövlətlərimiz olub. Azərbaycan Xalq Cümhuriyyətinin ən böyük özəlliyi isə o dövlətin respublika olmasıdır. Məhəmməd Əmin Rəsulzadə başda olmaqla sələflərimiz 1918-ci ilin 28 may günü Azərbaycan Xalq Cümhuriyyətini elan edib qısa müddət ərzində hüquqi, demokratik bir dövlət qurmağa nail oldular. Bugünkü Azərbaycan Respublikası da ötən əsrin əvvəlində qurulmuş həmin dövlətin bərqərar etdiyi dayaqlar üzərində dayanır. Hədəfimiz həmin dövrdəki dövlət quruluşuna nail olmaq və bu əsaslar üzərində dayanan dövləti inkişaf etdirməkdir.</p> <p>Əliyev rejiminin cümhuriyyət tariximizə “qayğı” göstərməsinin bir səbəbi cümhuriyyət dəyərlərinin önəmini azaltmaq, digər səbəbi bugünkü siyasi rəqiblərinin şərəfli mübarizəsini mübahisələndirməkdir. Rejim 18 oktyabr 1991-ci ildə müstəqilliyin bərpasına gətirib çıxaran Azərbaycan xalq hərəkatının əhəmiyyətini azaltmaq, onu gözdən salmaq, unutdurmaq istəyir. Ancaq tarixi təhrif etmək, hətta müvəqqəti unutdurmaq olar, dəyişdirmək və əbədi unutdurmaq mümkün deyil.</p> <p>Azərbaycan ötən əsrin əvvəllərində Rəsulzadənin rəhbərliyi, Müsavat Partiyasının təşkilatçılığı və xalqın iradəsi ilə müstəqilliyini əldə edib, ötən əsrin sonunda Əbülfəz Elçibəyin rəhbərliyi, AXC-Müsavat birliyinin təşkilatçılığı, yenə də xalqın iradəsi ilə müstəqilliyinin bərpasına nail olub.</p> <p>28 May və 18 Oktyabr tariximizin ən önəmli bayram günləridir. Əliyev rejiminin manevrlərindən asılı olmayaraq bu şərəfli günlər siyasi liderlər olaraq Rəsulzadənin, Elçibəyin, siyasi təşkilatlar olaraq Müsavat Partiyasının və Azərbaycan Xalq Cəbhəsinin adı ilə bağlıdır”.</p> <p>1988-ci ildə başlayan xalq hərəkatının öncül şəxslərindən olan Arif Hacılı 1991-1992-ci illərdə Azərbaycan Xalq Cəbhəsi Ali Məclisinə sədrlik edib.</p> <p>1990-1995-ci illərdə parlamentin deputatı olub. Əbülfəz Elçibəyin prezidentliyi dövründə (1992-1993) ərazi hakimiyyət və idarəetmə orqanları ilə iş üzrə dövlət müşaviri postunu tutub.</p> <p>1992-ci ildən Müsavatın katibi, 2001-ci ildən başqan müavini olub. 2003-2005 və 2011-2012-ci illərdə həbsdə yatıb. 2014 və 2019-cu illərdə Müsavat başqanı seçilib.</p>
<p><strong>“Mançester Siti”nin türk əsilli alman futbolçusu İlkay Gündoğan xeyriyyə aksiyasına qatılacaq.</strong></p> <p><strong>Sozcu.az</strong> xəbər verir ki, bu barədə 30 yaşlı yarımmüdafiəçi özü “The İndependent”ə açıqlamasında bildirib. O, Almaniyada və Türkiyədə seldən və meşə yanğınlarından zərər görən ərazilərdə 5 min ədəd ağac əkilməsi üçün mailliyyə vəsaiti ayıracaq.</p> <p>Qeyd edək ki, İlkay 2011-ci ildən Almaniya millisində, 2016-cı ildən isə “şəhərlilər”də oynayır.</p>
