<h1>Heyvanları aqressiv edən nədir? - VİDEO</h1> <p>Bir neçə gündür müxtəlif canlıların hücumuna məruz qalan şəxslər mətbuatın gündəmindən düşmürlər.</p> <p>Aralarında qulağını uzunqulağın dişlədiyini deyən də var, qarğaların zorakılığına məruz qalmadan şikayətlənən də. </p> <p>Bu siyahını uzatmaq da olar. Amma qəribə olan bir məqam var ki, ona diqqət çəkmək lazımdır. Adətən sahibsiz itlərin, ayıların, canavarların, hətta ilanların hücumuna məruz qalan insanlardan danışmağa öyrəşdiyimiz halda, son vaxtlar uzunqulaq, qarğa və digər bənzər canlıların insanlara hücumu istər-istəməz müxtəlif suallar doğurur. </p> <p>Bunu mistik qüvvələrlə əlaqələndirməyə çalışanlar da var, insanların özünün uydurması sayanlar da. Amma ortada danılmaz faktlar olduğu üçün sözügedən canlıların aqressiyasında quduzlaşmaq faktoru da ağlagələn ilk fikirlərdəndir.<br /> Mütəxəssislərin fikrincə, məlum hadisələrdə nə quduzlaşmanın, nə də mistik qüvvələrin rolu var.</p> <p>Onlar qeyd edirlər ki, məlum hadisələrlə ilkin tanışlıqdan sonra gəldikləri qənaət budur ki, həmin hücuma məruz qalmış şəxslər bizə məlum olmayan, hansısa hərəkətləri ilə məlum canlıları qıcıqlandırıblar.</p> <p>Ətraflı Baku TV-nin videosunu təqdim edirik:</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="//www.youtube.com/embed/IABRMSBWQxU?rel=0&wmode=transparent" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>Ramiz Mehdiyevin xanımının şirkəti yenidən məhkəmə qarşısında</h1> <p>Azərbaycan Milli Elmlər Akademiyasının (AMEA) keçmiş prezidenti Ramiz Mehdiyevin xanımı Qalina Mehdiyeva ilə ona məxsus "Fireland Vineyards" MMC-nin qanuni təmsilçisi Elmar Səidov arasında məhkəmə çəkişməsi davam edir.</p> <p>Qaynarinfo.az <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, iş hazırda apellyasiya mərhələsindədir. Birinci instansiya məhkəməsinin qərarından şikayəti Elmar Səidov verib. Şikayətə Bakı Apellyasiya Məhkəməsinin hakimi Raqib Qurbanovun sədrliyi ilə baxılacaq.</p> <p>İqtisadiyyat Nazirliyi yanında Dövlət Vergi <a rel="nofollow" href="https://xidmetler.az" title="xidmetler" target="_blank">Xidmətinin</a> Milli Gəlirlər Baş İdarəsi də bu iş üzrə maraqlı şəxs qismində çıxış edir. Bu da səbəbsiz deyil. Çünki "Fireland Vineyards" MMC-nin hazırda 20 220,31 manat vergi borcu var.</p> <p>Elmar Səidovla Qalina Mehdiyeva arasında məhkəmə çəkişməsi 2021-ci ildən davam edir. Həmin ilin yanvarında Elmar Səidov Bakı Kommersiya Məhkəməsində Qalina Mehdiyeva və "Fireland Vineyards" MMC barədə iddia qaldırıb. İddiaya hakim Aytən Əliyevin sədrliyi ilə baxılıb.</p> <p>Nəticə barədə açıq mənbələrdə heç bir məlumat yoxdur. Lakin Elmar Səidovun apellyasiya şikayəti verməsi onun iddiasının təmin olunmadığını söykəməyə əsas verir.</p> <p>Onu da qeyd edək ki, həmin vaxt "Fireland Vineyards" MMC-nin 128 767,72 manat vergi borcu olub.</p>
<h1>Çində yollarda çat yarandı: 3000-dən çox insan təxliyə edildi</h1> <p>Çinin Tianjin şəhərində yolda çatlar olduğu üçün bəzi insanlar evlərindən təxliyə edilib.</p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, 3899 insan evlərindən uzaqlaşdırlıb. </p> <p>Tianjin yerli hökumətinin verdiyi açıqlamaya əsasən, bu hadisə "Geoloji fəlakət" adlandırılıb. </p> <p>Hadisə nəticəsində ölən və yaralananlar barədə hələ ki məlumat verilməyib.</p>
<h1>"Qızıl top"un veriləcəyi tarix məlum oldu</h1> <p>2023-cü il üçün "Qızıl top" mükafatının təqdim ediləcəyi tarix müəyyənləşib.</p> <p>İlin ən yaxşı futbolçusuna veriləcək mükafat oktyabrın 30-da sahibini tapacaq. Mərasim Fransanın paytaxtı Parisdəki "Şatle" teatrında təşkil olunacaq.</p> <p>Kişilər arasında 30, <a rel="nofollow" href="https://xanim.az" title="qadinlar" sayti" target="_blank">qadınlar</a> arasında isə 20 nəfərlik namnizəd siyahısı sentyabrın 20-də açıqlanacaq.</p> <p>"Qızıl top"un son sahibi bir neçə gün öncə "Real Madrid"dən Səudiyyə Ərəbistanının "Əl-İttihad" klubuna keçən Kərim Benzemadır./Oxu.az</p>
<h1>Əli Əsədov Rusiya Prezidenti Vladimir Putinlə görüşdə iştirak edib - FOTO</h1> <p>Azərbaycan Respublikasının Baş naziri Əli Əsədov iyunun 9-da Soçiyə işgüzar səfəri çərçivəsində Müstəqil Dövlətlər Birliyi (MDB) Hökumət Başçıları Şurasının üzvlərinin Rusiya Federasiyasının Prezidenti Vladimir Putin ilə görüşündə iştirak edib.</p> <p>Nazirlər Kabinetinin mətbuat <a rel="nofollow" href="https://xidmetler.az" title="xidmetler" target="_blank">xidmətindən</a> bildiriblər ki, Rusiya Prezidenti MDB Hökumət Başçıları Şurasının üzvlərini salamlayıb.</p> <p>Ə.Əsədov görüşdə çıxış edərək, Azərbaycan Prezidenti İlham Əliyevin salamlarını və ən xoş arzularını Rusiya Prezidenti Vladimir Putinə çatdırıb.</p> <p>Baş nazir Azərbaycan-Rusiya strateji tərəfdaşlığının ikitərəfli gündəliyində yer alan məsələlərə də toxunub.<br /> <img src="https://cdn.azerforum.com/2023/06/09/12539670.jpg" alt="Əli" Əsədov rusiya prezidenti vladimir putinlə görüşdə iştirak edib - foto" class="imgbcode" /></p>
<h1>Samsunda iki tramvay toqquşdu: 26 nəfər yaralandı</h1> <p>Türkiyənin Samsun şəhərində 2 tramvay toqquşub. </p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, qəza nəticəsində 26 nəfər xəsarət alıb.</p> <p>Hadisə yerinə polis, təcili tibbi yardım əməkdaşları cəlb olunub. </p> <p>Yaralanan şəxslərdən birinin səhhətinin ağır olduğu bildirilib.</p> <p>Qəzanın baş vermə səbəbi məlum deyil.</p> <p>Faktla bağlı araşdırmalar davam edir.</p>
<h1>Rəşad Dağlı: "İskəndər dedi ki, 6 min manat ver, söhbət heç yerdə yayılmasın"</h1> <p>Tanışını qətlə yetirməkdə təqsirləndirilən meyxanaçı Rəşad Əmirovun (Rəşad Dağlı) cinayət işi üzrə məhkəmə iclası keçirilib.</p> <p>"Report" <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, Bakı Ağır Cinayətlər Məhkəməsinin hakimi Leyla Məmmədovanın sədrliyi ilə keçirilən prosesdə iş üzrə şahid qismində tanınan Xankişi Cəfərquliyevin hərbi xidmətdə olduğu bildirilib.</p> <p>Məhkəmədə onun istintaq ifadəsi elan edilib.</p> <p>Şahid ifadəsində deyib ki, Rəşad Dağlı hadisə günü onun çalışdığı mağazaya gələrək 100 manat pul verərək 1 bıçaq və 2 qutu siqaret alıb:</p> <p>"Bıçağın qiyməti 45 manat idi. Ona pulun qalığını təqdim edəndən sonra dərhal mağazanı tərk etdi. Mağazada tək olduğuma görə Rəşadın arxasınca baxmadım. Sadəcə onu gördüm ki, Rəşad qara rəngli "Niva" markalı <a rel="nofollow" href="https://masinlar.az" title="masinlar" masin satisi avtomobil elanlari" target="_blank">avtomobilə</a> minərək uzaqlaşdı".</p> <p>Daha sonra prosesdə təqsirləndirilən Rəşad Dağlı sərbəst ifadə verib. Meyxanaçı bildirib ki, hadisədən əvvəl mərhum İskəndər Mehdiyev onun qardaşına zəng edərək vacib sözünün olduğunu söyləyib:</p> <p>"Həmin gündən 3 gün sonra özüm İskəndərlə əlaqə saxladım. Mənə vəziyyəti danışdı və bildirdim ki, barəmdə böhtan xarakterli ittihamları yayan şəxslə görüşdürsün. Altı gün telefonumu söndürdüm. Telefonu yandıranda İskəndərdən mənə çoxsaylı mesajların gəldiyini gördüm. Zəng edəndə söylədi ki, həmin adamın problemi olduğu üçün ona 6 min manat pul lazımdı. 3 min manatı özü həll edib, qalan 3 min manatı isə ona vermək lazımdır ki, bu söhbəti heç yerdə yaymasın. İskəndər bildirdi ki, əlidolu gəlim, guya onunla görüşdürəcək. Əli dolu deyəndə bıçaq və pul götürməyimi nəzərdə tuturdu".</p> <p>"Həmin gün İskəndərlə görüşdüm. Anladım ki, onun məni həmin adamla görüşdürmək fikri yoxdur. Bıçağı <a rel="nofollow" href="https://masinlar.az" title="masinlar" masin satisi avtomobil elanlari" target="_blank">maşında</a> əyləc tərəfə qoymuşdum. Aramızda qısa söz mübahisəsi oldu, sonra məsələ böyüdü. İskəndər bıçağı götürüb mənə vurmaq istədi. Tez özümü müdafiə etdim və onu vurdum. Amma hadisənin şokunda olduğum üçün İskəndərə neçə bıçaq zərbəsi endirdiyim yadımda deyil. Meyiti isə yolun kənarında yerə atdım. Hadisənin başvermə səbəbindən peşmanam", - Rəşad Dağlı dindirilərkən vurğulayıb.</p> <p>Məhkəmənin növbəti iclası iyulun 7-nə təyin edilib.</p> <p>Xatırladaq ki, qətl hadisəsi ötən il noyabrın 9-u saat 05 radələrində Qaradağ rayonu ərazisində qeydə alınıb.</p> <p>Belə ki, 1979-cu il təvəllüdlü İskəndər Mehdiyev çoxsaylı bıçaq xəsarətləri ilə qətlə yetirilib.</p> <p>Hadisə ilə bağlı İ.Mehdiyevin tanışı, 1984-cü il təvəllüdlü R.Əmirov istintaqa cəlb edilib.</p> <p>Qaradağ Rayon Məhkəməsinin qərarı ilə onun barəsində həbs qətimkan tədbiri seçilib.</p> <p>Hadisənin şəxsi münasibətlər zəminində baş verdiyi bildirilir.</p> <p>Onun barəsində Cinayət Məcəlləsinin 120.1-ci (qəsdən adam öldürmə) və 228.4-cü (qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə) maddələri ilə ittiham irəli sürülüb.</p>
<h1>Portağal içində qəhvə</h1> <p>Özünəməxsus dadı, köpüyü, qoxusu və təqdimat tərzi ilə çox məşhur olan türk qəhvəsi son zamanlar portağalda bişirilməsi ilə gündəmə gəlməyə başlayıb.</p> <p>Portağalda qəhvə dadmaq istəyən bir çox insan kilometrlərlə yol qət edərək Balıkesirin Havran qəsəbəsini ziyarət edir. </p> <p>Fincan əvəzinə portağalda təqdim edilən türk qəhvəsi, dad baxımından çox adamı özünə cəlb edir.</p> <p>Təxminən 7 ilə yaxındır müştərilərinə portağalda qəhvə təklif edən Fahri Birgül portağaldakı qəhvə hekayəsini belə danışıb: "Dağlıq bölgədə heç bir materialımız yox idi. </p> <p>Belə bir şey sınadıq. Müştərilərimiz bunu bəyəndi. </p> <p>Buna görə də fərqli bir şey olduğunu düşündük. </p> <p>Hamısı təbii. Qəhvə və portağal. Başqa heç nə yoxdur.</p> <p>Demək istədiyim odur ki, onu içmək üçün təxminən əlli kilometrdən bura gələnlər var" - deyə o bildirib./<a rel="nofollow" href="https://big.az" title="xeberler" son xeberler 2023" target="_blank">BiG.AZ</a></p> <p><img src="https://cdn.azerforum.com/2023/06/09/12539428.jpg" alt="Portağal" içində qəhvə" class="imgbcode" /></p>
<h1>63 yaşlı idmançımız Avropa çempionatında qızıl medal qazandı - VİDEO</h1> <p>Azərbaycanın 63 yaşlı veteran cüdoçusu Fərhad Rəcəbli Avropa çempionatında qızıl medal qazanıb.</p> <p>Sloveniyada keçirilən veteran cüdoçular arasında keçirilən yarışda iştirak edən Fərhad Rəcəbli 9-cu dəfə qitənin ən güclüsü adını qazanıb.</p> <p>M7 kateqoriyası üzrə 90 kiloqram çəki dərəcəsində çıxış edən idmançı qızıl medal uğrunda İsveçrəli rəqibinə qallib gəlib.</p> <p>Daha ətraflı Baku TV-nin süjetində:</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="//www.youtube.com/embed/l8a_6wT_n0E?rel=0&wmode=transparent" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>Azərbaycanlı yazıçı doğum günündə vəfat etdi</h1> <p>Yazar Günel Eminli vəfat edib.</p> <p>Oxu.Az <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, bu barədə onun dostları sosial şəbəkədə məlumat yayıblar.</p> <p>Bildirilib ki, bu gün eyni zamanda mərhumun doğum günü imiş. </p> <p>G.Eminli uzun müddətdir xərçəng xəstəliyindən əziyyət çəkirdi. </p> <p>Qeyd edək ki, o, ədəbiyyat-mədəniyyət saytlarında müxtəlif yazılarla çıxış edirdi, bir neçə kitabın müəllifi idi.</p>
<h1>Küçədə taksi sürücüsünün çətin anları belə görüntüləndi - VİDEO</h1> <p>Türkiyənin Sarıyer şəhərində taksi sürücüsü ilə avtobus sürücüsü dalaşıb.</p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, onların mübahisə etmə səbəbi yolda yanlış manevr edilməsidir. </p> <p>Hadisə ərazidəki vətəndaşlar tərəfindən mobil telefon vasitəsi ilə qeydə alınıb.</p> <p>Sözügedən görüntüləri təqdim edirik:</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="//www.dailymotion.com/embed/video/x8lmu6t?api=1&sharing-enable=0&ui-logo=0&ui-start_screen_info=0&wmode=transparent" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>2,3 milyard il sonra Yer Kürəsi yaşayış üçün uyğun olmayacaq</h1> <p>Planetimiz indiki Marsa bənzər nəhəng səhraya çevriləcək. Yüz milyonlarla ildir ki, </p> <p>Günəş isinir, daha da parlaqlaşır və qızmağa davam edir. </p> <p>Təxminən iki milyard il və ya daha çox müddət ərzində temperatur o qədər isti olacaq ki, yer kürəsini yaşayış üçün əlverişli edən okeanlar<br /> buxarlanacaq. Bütün planet ucsuz-bucaqsız səhraya çevriləcək.</p> <p>Alimlərin proqnozlaşdırdığı kimi, yaxın bir neçə milyard il ərzində </p> <p>Günəş qırmızı nəhəngə çevriləcək və Yeri tamamilə udacaq. </p> <p>Beləliklə, planetin sonu gələcək./<a rel="nofollow" href="https://big.az" title="xeberler" son xeberler 2023" target="_blank">BiG.AZ</a></p> <p><img src="https://cdn.azerforum.com/2023/06/09/12538671.jpg" alt="2,3" milyard il sonra yer kürəsi yaşayış üçün uyğun olmayacaq" class="imgbcode" /></p>
<h1>İndoneziyada Krakatau vulkanı püskürdü - VİDEO</h1> <p>İndoneziyada Krakatoa vulkanı püskürüb. </p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, vulkan püskürəndən sonra 3000 metr yüksəkliyə küllərin töküb. </p> <p>Bu barədə İndoneziya vulkanologiya və geoloji fəlakətlərin azaldılması mərkəzi məlumat yayıb.</p> <p>Krakatau vulkanı təxminən 1 saat ərzində iki dəfə püskürüb. </p> <p>Vulkan püskürməsinə baxmayaraq yaşayış məntəqələrinə hələ evakuasiya əmri verilməyib.</p> <p>Qeyd edək ki, mart ayından bəri hündürlüyü 157 metr olan Krakatoa vulkanı təxmini 10 dəfə püskürüb.</p> <div class="embed-responsive" embed-responsive-16by9"><iframe id="nmqembedid" class="embed-responsive-item" title="video" player" src="//www.dailymotion.com/embed/video/x8lmsm9?api=1&sharing-enable=0&ui-logo=0&ui-start_screen_info=0&wmode=transparent" width="600" height="340" scrolling="no" frame webkitallowfullscreen mozallowfullscreen allowfullscreen></iframe></div>
<h1>Atasını öldürən uşaq həbs edildi</h1> <p>Türkiyənin Diyarbəkir şəhərində atasını öldürən övlad həbs edilib.</p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, 14 yaşlı uşağın hansı səbəbdən atasını öldürdüyü məlum deyil.</p> <p>O atasını tapança ilə vurub. Hadisə nəticəsində gənc saxlanılıb.</p> <p>Faktla bağlı araşdırmalar davam edir.</p> <p>Saxlanılan M. Jandarma əməliyyatları davam edir.</p>
<h1>Harvard universitetinin 400 yaşı olacaq</h1> <p>Görəsən, Con Harvard XVII əsrin birinci yarısında qurduğu kollecin yüz ildən sonra dünyaca məşhur universitetə çevriləcəyini təsəvvür edə bilərdimi?</p> <p>Harvard Universiteti məşhur Kembric şəhərində yerləşir. Belə ki, Universitet dünyanın hər yerindən olan abituriyentlərə sadiqliyi ilə məşhurdur.</p> <p>Harada doğulmağınızın heç bir əhəmiyyəti yoxdur. Əhəmiyyətli olan sizin kim olduğunuz və ABŞ-nin nüfuzlu universitetində təhsil almaq istəyinizin nə qədər güclü olmasıdır.</p> <p>Harvard Universitetinin əlli milyard dollarlıq öz xeyriyyə fondu var. ABŞ-də ali təhsil hər kəs üçün ödənişli olsa da bu, üstün qabiliyyətləri olan tələbələr üçün hər zaman istisna edilir./<a rel="nofollow" href="https://big.az" title="xeberler" son xeberler 2023" target="_blank">BiG.AZ</a></p>
<h1>Yunanıstana qaçmağa çalışan 16 terrorçu saxlanıldı</h1> <p>Türkiyənin Ədirnə şəhərində son bir həftə ərzində Yunanıstana qaçmağa çalışan terroristlər saxlanılıb.</p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, şübhəli qismində 16 nəfər saxlanılıb.</p> <p>Onların müxtəlif təşkilatlara <a rel="nofollow" href="https://xidmetler.az" title="xidmetler" target="_blank">xidmət</a> elədikləri bildirilib.</p> <p>Qeyd edək ki, Türkiyədə son günlərdə intensiv sərhəd yoxlanışı davam edir.</p> <p>Polis saxlanılan şəxslərlə bağlı araşdırmaya başlayıb.</p>
<h1>Acun Ilıcalı daha bir futbol klubu aldı</h1> <p>Türkiyənin məşhur aparıcısı, TV8-in sahibi Acun Ilıcalı "Hall Siti"dən sonra daha bir klub satın aldığını açıqlayıb.</p> <p>BAKU.WS-in <a rel="nofollow" href="https://big.az" title="xeberler" son xeberler 2023" target="_blank">xəbərinə</a> görə, o, bu dəfə İrlandiya Liqası komandalarından olan "Şelburn"un əksər səhmlərini aldığını bildirib.</p> <p>Qeyd edək ki, 54 yaşlı Ilıcalının aldığı Dublin komandası 20 həftəsi geridə qalan liqada 29 xalla 5-ci pillədə qərarlaşıb.<br /> Klubun məşqçisi İrlandiya futbolunun əfsanəvi adlarından biri olan Damien Duffdur.</p>
<h1>Acun Bakıya gəlir</h1> <p>Acun Ilıcalı Bakıya gəlir.</p> <p>OLAY-ın əldə etdiyi məlumata görə, TV8 kanalının rəhbəri və tanınmış aparıcı uğurlu <a rel="nofollow" href="https://biznes.az" title="biznes" xeberleri" target="_blank">biznesi</a> və faəliyyəti haqda danışacaq.</p> <p>Onun paytaxtda nə zaman çıxış etməsi barədə isə informasiya verilməyib.</p>
<h1>Orxan Fikrətoğlu Milli Kulinariya Mərkəzindən getdi</h1> <p>Milli Kulinariya Mərkəzinin baş direktoru Orxan Fikrətoğlu işdən çıxıb.</p> <p>Bu barədə Lent.az-a O.Fikrətoğlu özü məlumat verib.</p> <p>O qeyd edib ki, bir aya yaxındır Milli Kulinariya Mərkəzinin baş direktoru vəzifəsindən gedib:</p> <p>"Hazırda Mədəniyyət Nazirliyində müşavir işləyirəm".</p> <p>Dövlət <a rel="nofollow" href="https://turlar.az" title="turizm" turlar daxili turlar xarici turlar" target="_blank">Turizm</a> Agentliyindən Lent.az-a faktı təsdiqləyiblər. Bildirilib ki, O.Fikrətoğlu öz ərizəsi ilə işdən ayrılıb.</p> <p>Onun yerinə hələlik təyinat yoxdur.</p> <p>Qeyd edək ki, 2022-ci ildə Tahir Əmiraslanov Milli Kulinariya Mərkəzinin baş direktoru vəzifəsindən çıxarılmış, onun yerinə Orxan Fikrət oğlu Sadıqov təyin olunmuşdu.</p>
<h1>Sudanda 24 saatlıq atəşkəs elan olunub</h1> <p>Sudanda ordu və yarımhərbi qüvvələr Çevik Dəstək Qüvvələri (RSF) 24 saatlıq atəşkəs barədə razılığa gəlib.</p> <p><a rel="nofollow" href="https://sonxeber.az" title="en" son xeberler 2023" target="_blank">Sonxeber.az</a> <a rel="nofollow" href="https://big.az" title="xeberler" son xeberler 2023" target="_blank">xəbər</a> verir ki, ABŞ və Səudiyyə Ərəbistanının vasitəçiliyi ilə Sudanda ordu ilə RSF arasında danışıqlar bərpa edilib. Səudiyyə Ərəbistanı Xarici İşlər Nazirliyindən verilən açıqlamada, iki tərəfin nümayəndələrinin 24 saatlıq atəşkəs <a rel="nofollow" href="https://tezbazar.az" title="elanlar" sayti alqi satqi sayti" target="_blank">elan</a> etmək barədə razılığa gəldiyi açıqlanıb. Atəşkəsin sabah yerli vaxtla saat 06:00-da qüvvəyə minəcəyi bildirilib.<br /> "Tərəflər atəşkəs dövründə hücumlardan, təyyarə və ya pilotsuz təyyarələrdən istifadədən, havadan bombardmanlardan, artilleriya zərbələrindən, mövqelərin möhkəmləndirilməsindən və əlavə qüvvələr göndərilməsindən çəkinmək barədə razılığa gəliblər", - deyə məlumatda bildirilir.</p> <p>Həmçinin ABŞ və Səudiyyə Ərəbistanının Sudan xalqının əvvəlki atəşkəsləri həyata keçirməməsi ilə bağlı məyusluğunu paylaşdığı və son atəşkəs cəhdinin "zorakılıq dövrəsini qırmaq" cəhdi olduğu vurğulanıb.</p> <p>Ordu ilə RSF arasında aprelin 15-də başlayan qarşıdurmalara görə Sudanda 1,4 milyondan çox insan didərgin düşüb, 476 min 800 nəfər isə qonşu ölkələrə sığınıb. Əvvəllər razılaşdırılmış atəşkəs əsasən pozulub və zorakılıq səngisə də, tamamilə dayanmayıb.</p>
