<p>Möhtərəm Prezidentimiz Silahlı Qüvvələrin Müzəffər Ali Baş Komandanı İlham Əliyev cənablarının "Dəmir yumruğu" ətrafında birləşərək cəmi 44 gün ərzində mənfur və yağı düşmən üzərində şanlı qələbəmizi təmin edən, hər biri ilə hər an sonsuz qürur duyduğumuz və şöhrət tacımız sandığımız minlərlə şir ürəkli, polad iradəli ərənlər sırasında həmyerlilərimiz də misilsiz qəhrəmanlıq və şücaət göstərmişlər. Müqəddəs torpaqlarımızı, doğma yurd - yuvalarımızı 30 illik erməni işğalından azad edərkən şəhidlik zirvəsinə ucalmışların və qazilərin ailə üzvlərinə diqqət və qayğı ölkə başçısı İlham Əliyev cənablarının fəaliyyətinin başlıca prioritetidir. Bu humanist ənənəni müntəzəm olaraq xoş əməlləri ilə yaşadan Yevlax Şəhər İcra Hakimiyyəti yeni dərs ilinin başlanması və bilik günü ilə əlaqədar şəhid və qazilərimizin övladları üçün daha bir gözəl. maraqlı, yaddaqalan və hər kəsdə xoş ovqat yaradan tədbir keçirmişdir. Kür çayının axarlı-baxarlı sahilindəki Bulvar istirahət kompleksində düzənlənmiş tədbirə dəvət olunmuş fidan balalar və onları müşaiyət edən valideynlər, nənələr-babalar mövcud karantin rejiminin tələblərinə uyğun müəyyən məsafə saxlanılmaqla açıq səma altına düzülmüş, üzəri əsl bayram süfrəsi tək bəzədilmiş masalar arxasında əyləşmişdilər. Tədbiri Şəhər İcra Hakimiyyəti Başçısının müavini, İctimai-siyasi və humanitar məsələlər şöbəsinin müdiri Elnarə Əzizova açaraq, ilk öncə iştirakçılara ŞİH Başçısı Anar Tağıyevin salamını yetirmiş, şəhidlərmizə uca Tanrıdan rəhmət, qazilərmizə möhkəm cansağlığı, məktəbli balalara isə xoşbəxt və firavan ömür arzulamışdır.<br/> Sonra iştirakçıların təntənəli alqışları altında bir neçə gündən sonra məktəbə yollanacaq şəhid və qazi övladlarına Şəhər İcra Hakimiyəti tərəfindən (cəmi 44 nəfər) məktəbli çantası, məktəbli forması və dərs ləvazimatları paylanmış, birgə xatirə şakilləri çəkdirmişlər.<br/> Tədbirdə iştirak edən şəhid valideynləri, ailələri və qazilər çıxış edərək onlara göstərilən yüksək diqqət və qayğıya görə ölkə başçısı, müstəqil Azərbaycanımızın dövlətçilik və qəhrəmanlıq tarixinə qızıl hərflərlə şanlı səhifələr yazılmasına müvəffəq olmuş Qalib Ordmuzun Qalib Sərkərdəsi İlham Əliyev cənablarına və Birinci vitse-prezident Mehriban xanım Əliyevaya, bu günkü tədbiri araya-ərsəyə gətirən şəhər rəhbərliyinə ən dərin təşəkkürlərini ünvanlamışlar.<br/> Həmin gün Bulvardakı bütün əyləncə vasitələri, mexanizmlər və müxtəlif növ attraksion qurğuları şəhid və qazilərimizin fidan balalarının xidmətində durmuş, onların asudə vaxtlarının şən, yaddaqalan və səmərəli keçməsini təmin etmişdir.<br/><br/> Ramiz HƏMİDOV,<br/> Yevlaxda çıxan "Kür" qəzetinin<br/> "Tərəqqi" medallı müxbiri</p> <div class="container" no-gutters"> <div class="row"> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/09/03/3273412.jpg"> <img class="img-fluid" alt="" src="https://cdn.azerforum.com/2021/09/03/3273412.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/09/03/3273413.jpg"> <img class="img-fluid" alt="" src="https://cdn.azerforum.com/2021/09/03/3273413.jpg"/> </a> </div> </div> </div>
<p>Dünyanın bir çox ölkələrində, eləcə də Azərbaycanda vaksinasiyadan imtina tendensiyası müşahidə edilir. Bəzi sahələrə girişlə bağlı COVİD pasportu tələbi qoyulsa da, peyvənd vurdurmaqdan çəkinənlər kifayət qədərdir. Bu da vaksinlərin ehtimal olunan fəsadlarından irəli gəlir.</p><p>Bəs, peyvəndlərlə bağlı narahatlığa əsas varmı?</p><p>Olaylar.az xəbər verir ki, bunu Tibb elmləri doktoru, professor Musa Qəniyev sfera.az-a açıqlamasında qeyd edib ki, dünyada koronavirus əleyhinə istifadə olunan peyvəndlər ya inaktiv, ya da "vektorlu" peyvəndlər qrupuna aiddir:</p><p>"Bu peyvəndlərdən heç biri enzim patologiyası olan məhdud insan qrupu istisna olunmaqla, digər şəxslərdə fəsad və xüsusi müdaxilə tələb edən ciddi əlavə effektlərə səbəb ola bilməz. Nəzərə almaq lazımdır ki, bu cür şəxslərdə təkcə COVİD-19 əleyhinə vaksin deyil, istənilən peyvənd və yadərman preparatları da atipik reaksiyalar törədə bilər".</p><p>Mütəxəssis vaksin vurdurandan sonra halı pisləşən şəxslərdən də söz açıb:</p><p>"O ki qaldı, peyvənddən sonra inyeksiya yerində ağrının olmasına, bu,r yan təsir yox, formalaşan immunitetin zəruri reaksiyalarıdır. Yəni, orqanizmdə immunitetin yaranmasının təsdiq əlaməti olub, qısa müddətdən sonra azalaraq tamamilə aradan qalxır. Odur ki, COVİD-19 əleyhinə vaksinasiya zamanı müşahidə oluna bilən bu kimi reaksiyalar peyvəndin fəsadı kimi qiymətləndirilməməlidir. Ümumiyyətlə isə, koronavirusdan qorunmanın ən sadə yolu, yalnız adi gigienik tələb və normal ünsiyyət formalarına əməl etməkdir".</p>
<p>Türkiyədə tütün tarlasında çalışıb, imtahana hazırlaşan gənc qız tibb fakultəsinə qəbul oldu.</p><p>Olaylar.az xarici KİV-ə istinadən xəbər verir ki, smartfon istifadə etməyən və sosial media hesabı olmayan Xədicə adlı gənc qız, tütün sahələrində işləməsinə baxmayaraq, tam təqaüdlü tibb fakültəsində təhsil almaq hüququnu qazanıb.<br/> Müvəffəqiyyətinin sirri olaraq nizam-intizamlı çalışdığını izah edən gənc qız, "məntiqi anlayaraq dərslərimi öyrəndim, müəllimlərim və ailəm mənə dəstək oldular. Mən də anama kömək edirdim. Tarlamızda tütün əkirdik. İmtahandan əvvəl tarlada çalışırdım və evə gələndə ilk işim oxumaq idi. Təxminən 5 saat oxuyurdum " deyə bildirib.</p>
<p>Delta variantının təsiri nəticəsində İsraildə koronovirusa yoluxanların sayı artarkən, Tel -Əviv rəhbərliyi üçüncü peyvənd dozası ilə epidemiyanın qarşısını almağı hazırlaşdığı bildirilib.</p><p>Olaylar.az Türk mediasına istinadən xəbər verir ki, Təxminən 9,3 milyon əhalisi olan İsraildə "Covid-19" epidemiyası qismən dayandırılmış və iyun ayının əvvəlində bir çox məhdudiyyətlər aradan qaldırılmışdı.</p><p>Belə ki, iyun ayının əvvəlində gündəlik işlərin sayı 20-dən aşağı düşmüş, aktiv halların sayı isə 200-ə düşmüşdü. İndi isə İsrail 3-cü doza ilə pandemiyanı yekunlaşdırmağı planladığı bildirlib.</p>
<p>Rusiyada son sutka saat ərzində 18 856 yeni təsdiqlənmiş COVID-19 infeksiyası qeydə alınıb. Koronavirusla mübarizə böhran mərkəzindən mediaya verilən məlumata görə, yoluxma hallarının ümumi sayı 6,975,174-ə çatıb.</p><p>Məlumata görə, yeni infeksiyaların nisbi artımı 0,27%səviyyəsindədir.</p><p>Son sutka ərzində Sankt-Peterburqda 1437 , Moskvada 681 nəfərdə yeni koronavirus infeksiyası aşkar edilib. Həmçinin, bu müddət ərzində Sverdlovsk vilayətində 519, Rostov vilayətində 477, Perm bölgəsində isə 465 yeni yoluxma faktı aşkar edilib.</p><p>Ümumilikdə, hazırda Rusiyada 552,825 koronovirus xəstəsi müalicə olunur.</p>
<p>Şimali Kipr Türk Respublikasının prezidenti Ersin Tatar Türkiyəyə səfər edib. "OLAYLAR" xəbər verir ki, sentyabrın 7-dək davam edəcək səfər çərçivəsində Ersin Tatar Ankara, Konya və Kütahyada keçiriləcək tədbirlərə qatılacaq. Həmçinin, Tatar qazilər və qeyri -hökumət təşkilatları ilə görüşəcək, Kipr mövzusunda keçiriləcək konfransa qatılacaq.</p><p>Tatar həmçinin Türkiyədə olarkən sel fəlakətinin baş verdiyi Kastamonuya da gedəcək və bölgə xalqı ilə görüşəcək.</p><p>Sentyabrın 4 -də isə Şimali Kipr prezidenti Ankarada Türk Vəkillər Birliyi Birliyinin təşkil edəcəyi Kipr brifinqinə qatılacaq və Kipr probleminə dair açıqlamalar verəcək.</p><p>Tatarın ən son dayanacağı sentyabrın 7-də Konyadakı İstiqlal Müharibəsi Şəhidləri Məzarlığı olacaq və məzarlığı ziyarətdən sonra o, Konya Kıbrıs Veteranları və Konya Ticarət Palatası rəsmiləri ilə görüşəcək.</p>
<p>Türkiyədə 21 yaşlı Kübra adlı gənc qız 4 gün əvvəl evdən qaçaraq, dünən 60 yaşlı orta məktəb müəllimi ilə evləndi.</p><p>Olaylar.az xarici KİV-ə istinadən xəbər verir ki, qızlarını tapmaq istəyən kədərli ailə gözyaşları içində Türkiyənin məşhur "Müge Anlı" proqramına müraciət edib, kömək istədi.</p><p>Verlişin aparıcısı Müge Anlı "Həyatda olacaq şeylər var, olmayacaq şeylər var. Enerjim tükəndi" deyərək hadisəni qınayıb.</p> <div class="container" no-gutters"> <div class="row"> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/09/03/3269483.jpg"> <img class="img-fluid" alt="" src="https://cdn.azerforum.com/2021/09/03/3269483.jpg"/> </a> </div> </div> </div>
<p>Polşa Rusiya ilə əlaqələrə görə Almaniyanın əhval-ruhiyyəsini daha tez-tez pozmağa çağırır.</p><p>Olaylar.az RİA NOVOSTİ-ə istinadən xəbər veirir ki, bu barədə "wPolityce" portalına müsahibəsində Polşa tarixçisi Voyçex Polak bildirib.</p><p>Onun sözlərinə görə, "Almaniya İkinci Dünya müharibəsi zamanı Polşaya nəinki ən böyük iqtisadi zərər vurdu", hətta ondan sonra da qonşusuna amansızcasına ağalıq etməyə davam edib və bir çox sənaye müəssisələrini aradan qaldırıb.</p><p>Qeyd edilir ki , belə bir şəraitdə bərpa tələbi olduqca münasib və hətta zəruridir.<br/> Tarixçi həmçinin onu da qeyd edib ki, - Nə itiririk? Almaniya öz xarici siyasətində bizi tamamilə gözdən salır, müttəfiqlik münasibətlərindən heç bir qarşılıq görmürük. O, ticarət əlaqələrindən əl çəkməyəcək. Çünki onlar ilk növbədə özü üçün faydalıdır. Belə ki, bu sahədə heç bir cəza olmayacaq. . Neçə aydır ki, gözləyirik. Almanlar bu müddət ərzində Polşa əleyhinə bir sıra addımlar atdılar: Onlar Nord Stream 2-də Rusiya və ABŞ-la müzakirələr edib Bilmirəm daha biz nə gözləyirik."</p>
<p>İngiltərədə "Vest Bricford" və "Boston Yunayted" komandaları arasında keçirilən Gənclər Kuboku oyunu başa çatdırılmayıb.<br/><br/> Olaylar.az xarici KİV-ə istinadən xəbər verir ki, buna futbolçulardan birinin ürəyinin dayanması səbəb olub.<br/><br/> "Vest Bricford"in oyunçularından biri matç zamanı infarkt keçirib. Komandanın həkimləri ona ilkin tibbi yardım göstərib. Daha sonra meydana bir neçə təcili yardım maşını və xilasetmə helikopteri daxil olub.<br/><br/> Xəstəxanaya yerləşdirilən futbolçunun vəziyyəti yaxşı deyil.</p>
<p>Barış Pınarı bölgəsinə hücum etməyə cəhd edən 5 PKK/YPG-lı terrorçu zərərsizləşdirilib.</p><p>Olaylar.az xəbər verir ki, bu barədə Milli Müdafiə Nazirliyi "Sülh baharı" ərazisinə hücum hazırlayan terrorçuların neytrallaşdırıldığını açıqlayıb.<br/><br/> Yazılı bəyanatda bildirilib ki:</p><p>Barış Pınar ərazisində baş vermiş terror hücumlarına qarşı qisas əməliyyatlara edirik. PKK/YPG terrorçularının hücum cəhdinin qarşısını alan "Qəhrəman Komandolarımız 5 nəfər müəyyən edilmiş terrorçunu zərərsizləşdirib".</p>
<p>Sentyabrın 6-dan etibarən Şimali Kipr Türk Respublikasına səfər edəcək şəxslər bir sıra vacib prosedurlardan keçməli olacaqlar. "OLAYLAR" xəbər verir ki, bununla bağlı ŞKTR-də bir sıra qərarlar qəbul edilib. COVİD-19 pandemiyasının yayılmasının qarşısını almaq məqsədi daşıyan qərarlara əsasən ölkəyə daxil olan istənilən şəxs son 72 saat üçün korona testi verməli olacaq. Bu ŞKTR-yə hava, dəniz və quru yolla daxil olacaq hər kəsə şamil ediləcək. Həmçinin adaya gələcək şəxslər səfərdən əvvəl adapass.gov.ct.tr səfər forumunu dolduracaqlar və əldə ediləcək QR kodu ilə adaya girəcəklər. Məlumatlarını həmin sayta əlavə etməyən və QR kodu almayan şəxslər ŞKTR-yə daxil ola bilməyəcək. Bu prosedur 18 yaş və yuxarı şəxslər üçün məcburi olacaq.</p>
<p>"General-polkovnik Zakir Həsənovun Qarabağın Rusiya hərbi kontingentinin müvəqqəti kontrolunda olan hissəsində terrorçu ünsürlərin bütün təxribatlarının qarşısının alınacağı haqda xəbərdarlığını qulaqardına vuranlar necə lazımdır cəzalandırılıblar". Bunu "Olaylar"a deyən millət vəkili Sahib Alıyevin sözlərinə görə, gecə Şuşa yaxınlığında Azərbaycan Ordusunun mövqelərindən birini atəşə tutan hay terrorçuları cavab tədbirləri nəticəsində itki verərək susdurulublar: "Ya gəbərdiləcək, ya rədd olub gedəcək, ya da Azərbaycan bayrağına tapınacaqlar, ayrı yolları yoxdur!"</p>
<p>Din - üzvlərinə bir bağlılıq məqsədi, fərdlərin hərəkətlərinin fərdi və ictimai nəticələrini mühakimə edə biləcəkləri bir davranış qaydaları bütünü və fərdlərin qruplarını və kainatı açıqlaya biləcəkləri bir düşüncə çərçivəsi verən bir düşüncə sistemidir. Hazırda dünya əhalisinin təqribən 1,2 milyardı islam dininə etiqad edir, islam dini səmavi dinlərin sonuncusu hesab olunur və Allah tərəfindən göndərilən peyğəmbərləri və kitabları təsdiq edir, islam sülh, barışıq, bərabərlik və yardımlaşma dinidir.</p><p>İslam dini ən üstün, ən kamil din olmaqla yanaşı özündə adillik, hikmət, rəhmət, islah və kamilliyə aid bir çox xüsusiyyətləri əks etdirir. Bu gün artıq elə bir zamanda yaşayırıq ki, müsəlmanlara müasir dövrdə olan şübhələr vasitəsilə təzyiqlər edilir, müsəlmanlar, islam dini müxtəlif üsullarla gözdən salınmağa çalışılır.</p><p>Bir neçə gün əvvəl sosial şəbəkələrdə oxuduğum bir xəbər məni çox məyus etdi. Düşündüm ki, çox heyf, dünyanın müxtəlif ölkələrində olduğu kimi, ölkəmizdə də hələ də cahil insanlarla yanaşı, onların cahilliyindən istifadə edib dələduzluq edənlər də az deyil. Bunlardan biri, 3-4 gün əvvəl özünü "12-ci İmam Mehdi" kimi təqdim edib, dələduzluq edən Babayev Aqil Zalış oğludur. Onun dini məclislər təşkil etdiyi, 20 ildən artıq dövr ərzində 50-yə yaxın vətəndaşı aldatdığı və pullarını mənimsədiyi bildirilir. Hətta, bizim "12-ci imam" bu illər ərzində topladığı vəsaitlər hesabına xeyirxah əməllər etmək əvəzinə, şəxsi güzəranını yaxşılaşdırıb və Bakı şəhərində bahalı mənzillər, avtomobillər alıb. Beləliklə, xeyli sayda inanclı insan özünü "12-ci İmam Mehdi" adlandıran növbəti fırıldaqçının qurbanına çevrilib. Ortaya bir neçə maraqlı suallar çıxır: Belə dələduzların özlərini imam adlandırmaqda məqsədi nədi? İnsanlar niyə bunlara inanır? Axı harda görülüb ki, imam insanlardan pul yığsın? Lap tutaq ki, imam gəldi, insanlar nəyi dəyişdirmək istəyir?</p><p>Olaylar.az-a açıqlama verən din xadimləri bu hadisənin müxtəlif səbəblərdən qaynaqlandığını bildirir. Bu səbəblərə var-dövlət yığmaq, şan-şöhrət qazanmaq, Allah düşməni olub, islamı parçalamağa çalışmaq və ən əsası cahillik daxildir. İlahiyyatçı İbrahim Məmmədov deyir ki, imamlar cəmiyyətin ən sevdiyi, həssas nöktəsidir. Bu səbəbdən, özlərini 12-ci imam adlandıranlar cəmiyyətin inancından, sevgisindən istifadə edirlər:</p><p>"Bu məsələyə bir neçə mövqedən yanaşmaq olar. İlk öncə bunu qeyd etməliyik ki, bildiymiz kimi Azərbaycan xalqının dini inancı islam olduğu üçün, islam dinimizin də öndəri Hz. Peyğəmbər və onun ailəsi olan 12 imamlar olduğu üçün,12 imamlar xalqın ən həssas nöqtəsidir. Ruhani baxımdan cəmiyyətin zövq aldığı Qurchr("39")an, 12 imamların mübarək kəlamlarıdır. Bu səbəbdən də cəmiyyətin sığındığı, etimad etdiyi, dünya və axirət səadəti üçün yalnız və yalnız pənah aparacağı ilk olarağ Qurchr("39")an və 12 imamlar olduğu üçün, bir dəstə insanlar bu mövzuya olan həssaslıqdan istifadə etməyə çalışırlar. Bu da hər zaman olub və olmaqdadır. İslam dinində olanların dini inanc və etiqadina görə, 12-ci imamımız olan Hz. Mehdi (ə) qeybdədir. Qurchr("39")an və hədislərə əsasən, Allah istədiyi vaxt onu bəşərin xilaskarı edərək yer üzündə ədaləti bərqərar edəcək, bəşəri səadətə çatdıracağını bəyan edir. İnanclı insanlar da bu şəxsin intizarındadır. Bu səbəbdən də bir dəstə insan cəmiyyətin O şəxsə olan sevgisindən, inancından istifadə edərək, "12-ci imam Mehdi mənəm" deyib, cəmiyyəti özlərinə tərəf çəkmək, əldə etmək istəyirlər. Amma özünü belə adlandıranların hədəfləri fərqlidir. Bunların bir hissəsi istəyir cəmiyyət başına toplansın, maddi rifahı yaxşı olsun. Bir hissə düşünür ki, özünü tanıtdırmağı bacarsa, cəmiyyəti əlinə keçirməklə çevriliş edib, məqsədinə çatacaq, bu şəxslər siyasi terminlərə aiddir. Geridə qalan bir hissə isə, nizamsız əlinə düşən müxdəlif kitabları oxuyaraq, beynini qarışdırıb, idealogiyasını təsirə salaraq mövqeyini itirib. Belələlərinə isə yalnız xəstə deyilir.</p><p>O ki qaldı imam Mehdi (ə) həqiqətən gəlsə, dünyanı hansı formada dəyişə bilər, ilk olaraq bildirmək istəyirəm ki, Allahın vədi mütləqdir. Allah bu barədə Qurchr("39")an-i Kərimdə buyuraraq, yer üzünün sahibi, salehlər olacağı barəsində mütləq şəkildə vəd edir. Şəksiz, şübhəsiz o mütləq Allahın izni ilə zühur edəcək. Dünyanı hansı formada dəyişə bilər sualına gəldikdə isə, qısaca olaraq bütün yaranmış məxluqatın Allahın ixtiyarında olmağına toxunaraq tamamlamaq istərdim.Yalnız Allahın qüdrət və hikməti ilə. Allahın iradəsi kifayət edər ki, bütün bəşəri imama tabe etsin. Çün, bütün məxluqatı yaradan da, həyat verən də, öldürən də yeganə olan Allahdır".</p><p>Belə görünür ki, bizim ümid etməkdən başqa çarəmiz qalmır. İnşallah, özünü imam adlandırıb, dələduzluq edənlər və onlara inanıb bütün var-dövlətini digər dünyada cənnəti "almaq" üçün xərcləyən cahillər bu kimi hadisələrdən dərs çıxarıb, eyni tələyə düşməzlər.</p><p>Röyalə Xəyal</p>
<p>Bakıda həyat yoldaşını və qonşusunu qətlə yetirməkdə təqsirli bilinən Anar Hacıyev və qardaşı Sakit Hacıyevin cinayət işi üzrə məhkəmə prosesi başa çatıb.</p><p>Olaylar.az xəbər verir ki, Xəzər rayonunun Şüvəlan qəsəbəsi ərazisində yerləşən daş karxanasında Məhəmmədi qəsəbəsində yaşayan Zərnişan Hacıyevanın, Sabunçu rayonunun Maştağa qəsəbəsi ərazisində isə Natiq Talıbovun qətlə yetirilən meyitlərinin tapılmaları barədə Daxili İşlər Nazirliyinin "102" Zəng Mərkəzinə məlumatlar daxil olub.</p><p>Əməliyyat-axtarış tədbirləri nəticəsində qətlin Zərnişan Hacıyevanın əri 1988-ci il təvəllüdlü Anar Hacıyev və onun 1992-ci il təvəllüdlü qardaşı Sakit Hacıyev tərəfindən törədilməsi müəyyən edilib.</p><p>İstintaqla müəyyən olunub ki, Anar Hacıyev 2020-ci ilin yanvarından etibarən arvadı Zərnişanla həmkəndlisi və qonşusu olmuş Natiq Talıbovun intim münasibətləri barədə söz-söhbət eşidib.</p><p>O, həqiqəti bilmək adı ilə arvadı Zərnişanla evdə təklikdə söhbət edib, onun Natiqlə əvvəllər danışdıqlarını, amma hazırda heç bir münasibəti olmadığını aydınlaşdırıb. Anar arvadının qonşusu ilə intim münasibətləri barədə danışıqlanların həqiqətən baş verdiyi qənaətinə gəlib. O, arvadını və qonşusu Natiqi öldürməklə onlardan qisas almaq qərarına gəlib.</p><p>Anar niyyətini qardaşı Sakitə bildirib. Qardaşı ona hər iki şəxsin qətlə yetirilməsində razılığını ifadə edib. Onlar Natiqi və Zərnişanı qisas almaq məqsədi ilə öldürmək qərarına gəliblər.</p><p>Martın 5-də saat 23 radələrində Anar Natiqə SMS yazıb, onun narkotik aludəçisi olmasını bildiyi üçün özündə narkotik vasitə olduğunu, gəlib götürməyi təklif edib. Görüşü Zabrat-Maştağa yolunun kənarına, Daş bazarı kimi tanınan yerə təyin ediblər.</p><p>ölkə.az-ın istintaq materiallarından əldə etdiyi məlumata görə, Anar və qardaşı Sakit sonuncuya məxsus "Daewo Nexia" markalı maşınla Zabrat-Maştağa yolunun kənarına, kanalizasiya sularının axıdıldığı boş torpaq və gölməçə yaxınlığına gəliblər. Gecə saat 1 radələrində Natiq taksi ilə həmin əraziyə gəlib. Avtomobilin qabaq oturacağında oturan zaman Anar açılıb-qatlanan bıçaqla Natiqin bədənin müxtəlif nahiyyələrinə ümumilikdə 43 dəfə zərbələr endirib. Talıbovun öldüyünə əmin olduqdan sonra meyiti avtomobildən düşürüb yaxında olan çuxura atıblar. Daha sonra Anar qətlə yetirilmiş Talıbovun cinsiyyət orqanını kəsib ağız boşluğuna yerləşdirib.</p><p>Cinayətkar hərəkətlərini davam etdirərək ikinci şəxsi qəsdən öldürmək məqsədi ilə saat 2 radələrində Məmmədli qəsəbəsinə gəliblər. Anar Hacıyev yaşadığı mənzilə girərək Zərnişan Hacıyevaya Natiq Talıbovu öldürdüyünü bildirib:</p><p>"Zərnişana Natiqi öldürdüyümü dedim. Başa düşdü ki, onu da öldürəcəm. Zərnişana özünü asmasını dedim. O isə uşaqların xətrinə bağışlamağımı istədi. Biz mübahisə etməyə başladıq. Evdə ip axtaranda Zərnişan bloka qaçdı. Onu blokda tutaraq evə dartdım. Səs-küyə qonşular da bloka çıxdı və iki qadın, bir oğlan məni sakitləşdirmək istədi.</p><p>Bu zaman Zərnişan qaçaraq qonşunun evinə girdi. Qonşular da bizi sakitləşdirməyə çalışırdı. Bir neçə dəqiqə sonra atam Əlirza, anam Zərövşən və qardaşım Kazım da gəldi. Onlar məndən niyə mübahisə etdiyimizi soruşdular. Onlara əsl səbəbi demədim, Natiqi öldürdüyümü də heç kimə bildirmədim. Atam və və anam başımı qatdığı üçün Zərnişan aşağı düşdü. Zərnişanın arxasınca qardaşım Kazım da düşdü. Mən də valideynlərimi razı salaraq Zərnişana heç nə etməyəcəyimi dedim. Sonra həyətə düşdüm. Zərnişanın qolundan tutaraq Sakitin idarə etdiyi avtomobilə tərəf apardım.</p><p>Şüvəlan qəsəbəsi ərazisində yerləşən ziyarətgahın yaxınlığında, ziyarətgaha çatmamış Sakiti avtomobildən düşürtdüm. Dedim ki, Zərnişanla bir az gəzib, söhbət etdikdən sonra anasının evinə aparacağam, sonra geri qayıdaraq onu da götürəcəm. Sakiti avtomobildən düşürtdüm, avtomobili bir qədər irəlidə torpaqlıq ərazidə saxladım. Zərnişanı da avtomobildən düşürtdüm. Şalvarımın cibindən açılıb-qatlanan, Natiqi öldürən zaman istifadə etdiyim bıçağı çıxardım və Zərnişanın bədəninin müxtəlif nahiyələrinə zərbələr vurdum. Zərnişan yerə yıxıldıqdan sonra onun boğaz nahiyəsini də bıçaqla kəsdim. Meyiti avtomobildən təxminən 5-7 metr aralıda daşlara yaxın yerə atdım".</p><p>Cinayəti törətdikdən sonra hava limanına gedərək Zərnişanın Moskvada yaşayan qardaşına bacısını xəyanət etdiyinə görə öldürdüyünü demək üçün oraya gedib. Ölkəyə qayıdan zaman isə hava limanında polis əməkdaşları tərəfindən saxlanılıb.</p><p>Məhkəmə prosesi zaman Anar Hacıyev ittiham üzrə özünü təqsirli bilib. Sakit Hacıyev isə özünü təqsirli hesab etməyib.</p><p>Zərərçəkmiş şəxsin hüquqi varisləri bildiriblər ki, təqsirləndirilən şəxslərdən şikayətçidilər.</p><p>Məhkəmə Anar Hacıyevin qardaşı Sakitin təqsirli olmaması barədə verdiyi ifadəsinə tənqidi yanaşaraq hesab edib ki, onun ifadəsi iş materiallarında olan sübutlarla təkzib olunduğundan müdafiə xarakteri daşıyıb.</p><p>Məhkəmə sübutlara qiymət verərrək nəticəyə gəlib ki, Anar və Sakit Hacıyevlər CM-nin 120.2.1(qabaqcadan əlbir olan bir qrup şəxs tərəfindən qəsdən adam öldürmə) 120.2.4(xüsusi amansızlıqla qəsdən adam öldürmə) 120.2.7(iki və ya daha çox şəxsi qəsdən öldürmə) və 245-ci (qəbir və meyit üzərində təhqir edici hərəkət etmə) maddələri ilə nəzərdə tutulmuş cinayət əməllərini törətməkdə təqsirlidilər.</p><p>Sonda məhkəmənin hökmü ilə Anar Hacıyev 19 il, Sakit Hacıyev isə 17 il 6 ay müddətinə azadlıqdan məhrum olunublar.</p>
<p>Avrasiya İqtisadi Əlaqələr Dərnəyinin (EkoAvrasiya) sədri Hikmət Eren Makedoniyaya səfəri çərçivəsində bu ölkənin siyasi partiya rəhbərləri ilə də görüşlər keçirib.<br/><br/> "OLAYLAR" xəbər verir ki, Hikmət Eren Makedoniyanın Türk Hərəkat Partiyasının (THP) sədri və millət vəkili Enes İbrahimlə bir araya gəlib.<br/><br/> Türk Hərəkat Partiyasının mərkəzi ofisində baş tutan görüşdə Makedoniya Türk siyasətinin mövcud vəziyyəti, eləcə də Türkiyə ilə Makedoniya arasındakı əlaqələr, bu əlaqələri inkişaf etdirilməsinin perspektivləri müzakirə olunub.</p>
<p>İlkin məlumata görə, hücumu həyata keçirənlər 2-ci Qarabağ savaşında həlak olmuş ermənilərin yaxınları olub.</p><p>Xankəndinə qanunsuz səfər edən bir qrup hakim partiydan olan erməni deputat çətin vəziyyətlə üzləşib.</p><p>Qazet.az xəbər verir ki, bu barədə "Hraparak" nəşri məlumat yayıb.</p><p><img data-image-id="33495894" class="img-fluid" max-width" src="https://cdn.azerforum.com/2021/09/02/3260761.jpg"/> Ədəbsiz pozlar verdiyinə görə tənqid olundu - "Allah xatirinə sil o şəkilləri" - FOTO</p><p>Paşinyanın partiyasının üzvləri Xankəndində daşqalaq olublar. Axşam saatlarında onların məskunlaşdığı mehmanxanaya bir qrup şəxs hücum edib.</p><p>İlkin məlumata görə, hücumu həyata keçirənlər 2-ci Qarabağ savaşında həlak olmuş ermənilərin yaxınları olub</p>
<p>Neft İxrac edən Ölkələr Təşkilatına (OPEC) üzv və qeyri-üzv ölkələrin nazirlərinin 20-ci iclasında, iyul ayında qəbul edilmiş "Əməkdaşlıq Bəyannaməsi"nə uyğun olaraq gündəlik neft hasilatının oktyabrda 400 min barrel artırılması barədə əldə edilmiş razılığa Azərbaycan da öz dəstəyini ifadə edib.<br/><br/> "OLAYLAR"-a Energetika Nazirliyindən verilən xəbərə görə, yeni "Əməkdaşlıq Bəyannaməsi" Azərbaycanda gündəlik xam neft hasilatının oktyabrda daha 7 min barrel artırılaraq 640 min barrelə çatdırılmasını, ixtisarla bağlı öhdəliyin isə 78 min barrel həcmində olmasını nəzərdə tutur.<br/><br/> Xatırladaq ki, "OPEC plus" ölkələri nazirlərinin iyul ayında keçirilmiş 19-cu iclasında avqustdan etibarən gündəlik xam neft hasilatının hər ay 400 min barrel artırılmasına, 5,8 mln. barrel həcmində ixtisarların isə 2022-ci ilin sentyabrında başa çatdırılmasına və gələn ilin mayından etibarən neft hasilatının baza səviyyəsinə qismən düzəlişlər edilməklə "Əməkdaşlıq Bəyannaməsi"nin müddətinin 2022-ci ilin sonunadək uzadılmasına dair qərar qəbul edilmişdir.<br/><br/> Bu qərarın qüvvədə olduğu müddətdə Azərbaycan gündəlik xam neft hasilatını hər ay, təxminən, 7 min barrel artırmaq, müvafiq olaraq da ixtisarlarla bağlı öhdəliklərini azaltmaq imkanı əldə etmiş olur.<br/><br/> OPEC və qeyri-OPEC ölkələri nazirlərinin növbəti iclasının isə 2021-ci ilin 4 oktyabr tarixində keçirilməsi qərara alınıb.</p>
<p>Son vaxtlar Prezidentin işğaldan azad olunmuş ərazilərimizə tez-tez səfərlər etməsi yaxşı mənada ənənəyə çevrilib. Bu onu göstərir ki, işğaldan azad edilmiş Qarabağda və Şərqi Zəngəzurda böyük yenidənqurma və bərpa işləri Cənab Prezidentin şəxsən gündəlik nəzarəti altında icra olunur və bu səfərlər çərçivəsində dövlət başçısı bir sıra mühüm obyektlərin açılışında, təməlqoyma mərasimlərində iştirak edir, yeni tapşırıqlar verir. Başqa sözlə desək, Prezidentin bölgəyə hər yeni səfəri və bu səfərlər zamanı verdiyi tapşırıqlar, səsləndirdiyi fikirlər və ismarıclar qarşıdakı cari dövr üçün bir növ "yol xəritəsi" sayılır.</p><p>Milli Həmrəylik Partiyasının sədri Əlisahib Hüseynov deyib ki, hazırda Qarabağın və Şərqi Zəngəzurun işğaldan azad edilmiş rayonlarında həyata keçirilən işlər həqiqətən də misli görünməmiş böyük işlər, nəhəng layihələrdir: "Bu gün bizim ölkəmiz də, Ermənistan da müharibədən yenicə çıxmış ölkə sayılır. İndi bizi birləşdirən yeganə cəhətimiz budur. Yerdə qalan bütün parametrlər, bütün göstəricilər üzrə isə bu iki ölkənin mövcud reallıqları bir-birindən kəskin dərəcədə fəqlənir. Müharibədən məğlub vəziyyətdə çıxmış, postmüharibə dövrünün böhran sindromunu yaşayan Ermənistan hazırda sözün tam mənasında sosial-iqtisadi böhran və mənəvi çöküş içində çabalayır. Bu mənada bu iki ölkəni bir-birilə əsla müqayisə etmək mümkün deyil. Biz Cənab Prezidentimizin rəhbərliyi ilə işğaldan azad edilmiş ərazilərimizdə son 9 ay ərzində genişmiqyaslı layihələr icra etməkdəyik. Ağdamda, Füzulidə, Kəlbəcərdə, Zəngilanda, Laçında, Qubadlıda nəhəng miqyasda bərpa-yenidənqurma işləri gün-gündən vüsət almaqdadır".</p><p>Əlisahib Hüseynov qeyd edib ki, Şuşada aparılan bərpa və abadlaşdırma işləri isə həm də strateji əhəmiyyət daşıyır: "Çünki Cənab Prezidentin də bildirdiyi kimi Şuşa Azərbaycan mədəniyyətinin ocağıdır. Şuşanın Azərbaycan tarixində çox böyük rəmzi mənası var. Şuşa Qarabağın tacıdır. Odur ki, ölkə Prezidenti cənab İlham Əliyev və birinci xanım Mehriban Əliyevanın növbəti dəfə Azərbaycanın mədəniyyət paytaxtı Şuşa şəhərinə səfər etməsi xüsusi əhəmiyyət kəsb edir. Bu səfər Prezidentin və birinci xanımın Şuşaya sayca beşinci səfəri idi və bu səfər 44 günlük müharibədəki parlaq Zəfərimizdən sonra ən yeni tariximizi növbəti mühüm hadisələrlə zənginləşdirən bir səfər kimi yadda qalacaq. Belə ki, sözügedən səfər çərçivəsində Prezident və Birinci vitse-prezident artıq tikintisi başa çatmaq üzrə olan Füzuli Beynəlxalq Hava Limanında son tamamlama işləri ilə tanış oldular. Əbəs yerə deyil ki, Prezident Füzuli Hava limanını bütövlükdə Qarabağın hava qapısı kimi dəyərləndirdi. Bu da ondan irəli gəlir ki, Füzuli Hava Limanı böyük iqtisadi və strateji əhəmiyyət daşıyır. Bu layihənin həyata keçirilməsində əsas məqsəd işğaldan azad edilmiş ərazilərimizdə bərpa və yenidənqurma işlərini daha da sürətləndirmək, bölgədə həyatı yenidən canlandırmaq, Böyük Qayıdışı təmin etmək və ən nəhayətdə isə Qarabağı turizm cənnətinə çevirməkdir. Odur ki, dövlət başçısı Füzuli Hava Limanının tikilib istifadəyə verilməsi prosesini xüsusi olaraq nəzarətdə saxlayır. Bununla yanaşı yaxın gələcəkdə Zəngilan və Laçında da analoji aeroportların tikilməsi nəzərdə tutulur. Bildiyimiz kimi Şuşanın bərpasına 2021-ci il yanvarın 14-dən, Prezident və Ali Baş Komandan İlham Əliyevin şanlı Zəfərimizdən sonra Şuşaya ilk səfərindən başlanıb. Dövlət başçısının Şuşaya ilk səfəri zamanı Füzuli-Şuşa yolunun və Füzuli Beynəlxalq Hava Limanının da təməli qoyulmuşdu. Bu gün bu istiqamətdə görülən işlərin miqyasının böyüklüyü həqiqətən də hər birimizdə böyük qürur hissi doğurmaqla yanaşı, həm də Böyük Qayıdışın tezliklə reallaşacağına əminlik yaradır. Biz hazırda işğaldan azad edilmiş ərazilərdə nə qədər geniş miqyasda bərpa-quruculuq işlərinin aparıldığına Şuşada görülən işlərin timsalında bir daha əyani şahid olduq. Belə ki, səfər zamanı Şuşa şəhərinin Baş planının cənab Prezidentə təqdim olunması, həmin planın təsdiq olunması, Şuşada bir sıra mədəni tədbirlərin keçirilməsi, o cümlədən Vaqif Poeziya Günlərinin 30 illik işğaldan sonra Heydər Əliyev Fondu tərəfindən yenidən bərpa olunması, habelə Vaqifin muzey-məqbərə kompleksinin, büstünün, eləcə də görkəmli bəstəkar Üzeyir Hacıbəylinin heykəlinin açılışı və ev-muzeyində aparılan işlərlə tanışlıq, "Otel və Konfrans Mərkəzi"nin təməlinin qoyulması mədəniyyət paytaxtımızın bərpası və yenidən qurulması istiqamətində atılan addımların mühüm tərkib hissələridir".</p><p>MHP sədri bildirib ki, artıq Şuşaya elektrik enerjisinin və suyun verilməsi tamamilə bərpa edilib: "İndi Şuşaya iki mənbədən davamlı şəkildə su gəlir. İşağl dövründə Şuşadakı bir çox bulaqlar ermənilər tərəfindən qurudulsa da, indi onların da bərpası istiqamətində iş aparılır. Artıq Natəvan bulağı bərpa edilib. Həmçinin üç məsciddə təmir-bərpa işləri gedir. Yuxarı Gövhər ağa məscidinin təmiri bitmək üzrədir. Saatlı və Aşağı Gövhər ağa məscidlərini Heydər Əliyev Fondu hazırda təmir edir. "Xarıbülbül" hotelinin ardınca, "Qarabağ" hoteli də əsaslı təmirdən sonra yenidən öz qapılarını qonaqların üzünə açdı. Açılış Prezident və birinci xanımın iştirakı ilə baş tutdu. Ermənilər tərəfindən gülləbaran edilmiş Xan qızı Natəvanın, Üzeyir Hacıbəylinin, Bülbülün heykəlləri də bərpa edilərək yenidən şəhərin mərkəzi meydanında qoyulub. Şuşa işğaldan azad edildikdən sonra Heydər Əliyev Fondunun təşkilatçılığı ilə "Xarıbülbül" musiqi festivalının yenidən bərpa edilməsi ermənilərə psixoloji zərbə effekti verdiyi kimi, avqustun 30-da Şuşada Vaqif Poeziya Günlərinin keçirilməsi ənənəsinin bərpası da işğalçılara növbəti mesajımız oldu.Vaqifin büstünün öz əvvəlki yerində bərpa edilib qoyulması, eləcə də Vaqifin məqbərəsinin bərpa edilməsi və bu məqbərənin önündə Vaqif Poeziya Günlərinin keçirilməsi ermənilərə bir həqiqəti başa saldı ki, onlar bizim tariximizi hər nə qədər silməyə, Şuşanı və bütün Qarabağı "özününküləşdirməyə" çalışsalar da, lakin bunu heç bir vəchlə bacarmadılar. Zaman göstərdi ki, tarixi silmək olmur. Zaman ermənilərə başa saldı ki, onların Azərbaycan xalqının torpaqlarını qəsb etmək, tarixini isə oğurlamaq cəhdləri əbəsdir. Çünki enində-sonunda tarix hər şeyi yenidən öz gerçək sahibinə qaytarır. Tarixi heç kim silə, ilahi ədaləti kimsə dana bilməz. Bu mənada Azərbaycan Prezidentinin Vaqif Poeziya Günlərinin açılış mərasimindəki çıxışında ədalətin əvvəl-axır qalib gələcəyi barədə səsləndirdiyi fikirlər ermənilərin sifətinə çırpılmış ibrətamiz həqiqət kimi tam da yerinə düşür: "Həyat göstərdi ki, ədalət var, sadəcə olaraq dözümlü olmaq lazımdır, səbirli olmaq lazımdır, ədalətə inanmaq lazımdır və ədalətə nail olmaq üçün çalışmaq lazımdır, hədəfə doğru getmək lazımdır. Ədaləti bərpa etmək üçün fədakarlıq göstərmək lazımdır. Bu gün biz hamımız ürəyimizdə deyirik və açıq deyirik ki, bəli, ədalət var, ədalət bərpa edildi, biz bu gün Şuşadayıq və bundan sonra Şuşada əbədi yaşayacağıq".</p><p>Xalqımızın mədəniyyət paytaxtına qayıdışına, burada "Xarıbülbül" musiqi festivalının bərpasına, Vaqif Poeziya günlərinin yenidən keçirilməsinə, məscidlərimizin bərpa edilməsinə, tarixi və mədəni abidələrimizin hər birinin bərpa olunub yenidən qurulmasına da ilk növbədə məhz ilahi ədalətin təntənəsi prizmasından baxmaq lazımdır. Mənfur qonşularımız torpaqlarımızı işğal edərkən hər şeyi nəzərə alsalar da, günün birində ədalətin zəfər çalacağını, Azərbaycan xalqının öz haqqına, öz torpaqlarına, öz tarixinə yenidən sahib çıxacağını görünür hesablaya bilməmişdilər. Onlar Azərbaycan xalqının səbrini, dözümünü, ayaqda qala bilmək gücünü düzgün hesablaya bilməmişdilər. Onlar həmçinin Azərbaycan dövlətinin potensialını və qüdrətini, Azərbaycan liderinin siyasi müdrikliyini, Azərbaycan Ordusunu gücünü və qəhrəmanlıq ruhunu da düzgün dəyərləndirə bilməmişdilər. Onlar ümumiyyətlə, Azərbaycanın günün birində dirçəlib öz gücünü ortaya qoyacağını əsla gözləmirdilər. Bu da ermənilərin həddindən artıq ağıllı, uzaqgörən millət olması barədə yayılmış fikirlərin puç və əfsanə olduğunu bir daha nümayiş etdirdi. Erməni ağlı Azərbaycanın gücünü düzgün ölçüb-biçməyə bəs etmədi".</p><p>Əlisahib Hüseynov deyib ki, mədəniyyət incimiz olan Şuşada yaşanan dirçəliş prosesi, bərpa-quruculuq işlərinin coşqusu Azərbaycan xalqının həm böyüklüyünü və qədimliyini, həm də qəhrəmanlığını ermənilər üçün gözdağına çevirir: "Bu günləri Şuşada görülən böyük abadlıq-bərpa işləri ermənilərin vandallığını, Azərbaycan xalqının isə qurucu xalq olduğunu bir daha ortaya qoyur. Ermənilərin dağıtdığı Şuşanın bu gün Azərbaycan xalqı və dövləti tərəfindən bərpa edilməsi erməniləri bütün dünyada vandal qəbilə kimi ifşa etməyimiz üçün real zəmin yaradır. Şuşa erməniləri də, bizi də olduğumuz kimi göstərmək üçün əsl güzgü rolunu oynaya bilər. Qoy dünya kimin kim olduğunu görsün. Bu mənada Şuşanın bərpası həm də siyasi və təbliğati əhəmiyyət kəsb edir. Şuşanın bərpa edilib öz əvvəlki tarixi-memarlıq görkəminə qaytarılması eyni zamanda bu şəhərin gerçək tarixi sahibinin kimliyini də ortaya qoyur. Məhz buna görədir ki, ermənilər Azərbaycan dövləti tərəfindən Şuşada atılan hər addıma, görülən hər bir işə çox ağrılı reaksiya verirlər. Çünki Şuşa ermənilərin uzun illər boyu sivil dünyanın nəzərində özləri barədə yaratdıqları "mədəni xalq" mifini dağıdıb alt-üst edir, onların barbar mahiyyətini üzə çıxarır".</p><p><strong>Füzuli</strong></p>
<p>MTM (Media Təhlil Mərkəzi 2021-ci ilin əvvəlindən etibarən əhalinin vaksinasiya prosesinə münasibətini öyrənmək məqsədilə mütəmadi olaraq sorğular keçirir. Sorğu nəticələrinin təhlili zamanı əhalinin peyvəndlənmə prosesinə münasibətində ciddi dəyişikliklərin olduğu müşahidə edilib.<br/><br/> "OLAYLAR" xəbər verir ki, mərkəzin mütəxəssisləri "COVID-19" virusu əleyhinə vaksinasiya prosesi ilə bağlı mart və avqust aylarında keçirilən sorğuların nəticələrini təhlil edib.<br/><br/> Təhlil zamanı qeyd olunan aylarda respondentlərin seçdiyi "Peyvənd olunmuşam", "Ətrafımda peyvəndlənən olmayıb", "Dost və tanışlarım vaksinasiya prosesinə cəlb edilib" variantlarının faiz göstəriciləri müqayisə olunub.<br/><br/> Nəticələr göstərir ki, sorğu iştirakçıları arasında "Dost və tanışlarım vaksinasiya prosesinə cəlb edilib" deyənlərin sayı azalsa da, həm özünün, həm də ətrafındakıların peyvənd olunduğunu bildirən respondentlərin sayı kəskin artıb. Bu, vaksinasiya ilə bağlı təbliğat və maarifləndirmə tədbirlərinin gözlənilən nəticəni verdiyini deməyə əsas verir və peyvəndlənmədə könüllülük prinsipinin üstünlük təşkil etdiyini göstərir.</p>
<p>Seçkidən sonra Ermənistan rəhbərliyinin sülh çağırışlarına adekvat reaksiya verəcəyi gözlənilən idi. Hər nə qədər baş nazir Paşinyan "Ermənistan öz ərazisindən Azərbaycanın dəhliz çəkməsinə imkan verməyəcək" iddiasını, üçtərəfli bəyanatın maddələrini icra etməyəcəyinə dair sərsəm bəyanatları səsləndirsə də, Ermənistanın düçar olduğu ağır siyasi, iqtisadi, sosial vəziyyət bu ölkə üçün sülh və inteqrasiya meyillərini qaçılmaz edir. Politoloq Züriyə Qarayeva deyir ki, burada həm də Azərbaycanın yaratdığı geosiyasi reallıqlar və qalib tərəf olaraq şərtləri diktə etməsi amili də keçərlidir: "Belə ki, son təxribatlardan sonra hərbçilərimizin Gorus-Qafan yolunun bizə məxsus olan hissəsini bağlamasıyla və Rusiyayla danışıqlar zamanı müəyyən tələblərdən sonra Paşinyanın siyasi ritorikasında dəyişiklik baş verməsi başadüşüləndi. Artıq rəsmi İrəvan xilas pəncərəsinin yalnız əməkdaşlıq və kommunikasiya xəttlərinin açılması olduğunu və bu pəncərənin yalnız Türkiyə tərəfdən onun üzünə açılacağını anlayır. Hər nə qədər Ermənistanda hələ də mövqelərini qoruyub saxlayan Rusiyameyilli Qarabağ klanı Paşinyan hakimiyyətini sülh çağırışlarına ayaq uydurmaqdan yayındırmağa çalışsa da, yalnız hakimiyyət deyil, xalq da bu cür revanşist qrupların fəaliyyətinin Ermənistanda vətəndaş qarşıdurması yaradacağını gözəl dərk edir".</p><p>Politoloqun sözlərinə görə, təsadüfi deyil ki, Türkiyə prezidenti Rəcəb Tayyib Ərdoğan Cənubi Qafqazda sülhün və əmin-amanlığın hökm sürməsinə yol aça biləcək proseslərə töhvə verməyə hazır olduğunu bildirməsindən sonra rəsmi İrəvan bu açıqlamanı ümidverici eyham kimi qəbul etdi: "Nikol Paşinyan bunu cavab olaraq, "Ermənistan regionda sülhün bərqərar olması ilə bağlı Türkiyədən bəzi açıq və müsbət işarələr almaqdadır" dedi. Erməni baş nazir bu müsbət işarələri dəyərləndirmək niyyətində olduğunu da qətiyyən gizlətmədi: "Biz Türkiyənin müsbət işarələrini eyni məzmunda cavablandıracağıq". Rəcəb Tayyib Ərdoğan bu məsələ ilə bağlı növbəti mesajını verib: "Azərbaycan Ermənistanla hərtərəfli sülh sazişi üçün danışıqlara başlamağı təklif edib. Birtərəfli ittihamlar yerinə, gələcəyə baxan, realist yanaşmalar üstünlük təşkil etməlidir. Bu istiqamətdə hərəkət etməyə hazır olduğunu bəyan edən Ermənistan hökuməti ilə münasibətlərimizi tədricən normallaşdırmaq üçün çalışa bilərik". Əslində Ərdoğanın sülh çağırışında yeni olan heçnə yoxdu. 44 günlük müharibənin bitdiyi gündən etibarən Türkiyə prezidenti Ermənistanın hər iki ölkənin ərazi bütövlüyünü tanıyacağı təqdirdə və işğalçı niyyətinə son qoyacağı halda əməkdaşlığa hazır olduqlarını və bu əməkdaşlığın daha geniş 6lıq formatında icra olunaraq bütövlükdə bölgə üçün əlverişli geosiyasi mühit yaradacağını dəfələrlə bildirmişdi. Bugün bölgəyə həm də Avropa İttifaqının da uğurlu adımlarla daxil olması faktoru həm Gürcüstanı, həm də Ermənistanı platformaya qoşulmağa vadar edir. Bəhs etdiyimiz platformada Rusiyanın yer almasına baxmayaraq, müvafiq bölgədə münaqişələrin aradan qalxması və sülhün bərqərar olmasında bütövlükdə Qərb maraqlıdır. Çünki, İrəvanın üzünü tamamilə qərbə tutmaqdan çəkindirən, iki masada əyləşmə siyasətinə vadar edən bu ölkənin iqtisadi çöküşü ucbatından Rusiyanın vassalına çevrilməsidir. 6lıq platformanın hədəfləri icra olunarsa, Ermənistan blokada vəziyyətindən çıxar, ticarət dövriyyəsi artar, iqtisadiyyatı dirçələr və nəticə etibarı ilə Rusiyadan aslılığını aradan qaldırar. Beləcə Avropa İttifaqı regionda təsir rıçağı sadəcə Ermənistan olan Rusiyanın mövqeyini tamamilə itirməsi nəticəsində öz maraqlarını daha rahat təmin etmiş olar. Rəsmi Tiflis üçün də Avropa İttifaqının bölgəyə daxil olması optimaldır. Çünki, 6lıq platformada Rusiyanın yer alması və digər dövlətlərə nəzərən Gürcüstanın tək qalması onun platformada iştirakını əngəlləyirdi".</p><p>Züriyə Qarayeva bildirib ki, bölgədə sülhün deyil, əbədi münaqişə ocaqlarının var olmasından yana olan Rusiya məruz qaldığı sanksiyalar və pandemiya nəticəsində zəifləyən iqtisadiyyatı timsalında, üstəlik Ermənistanı öz orbitində saxlamaq məqsədilə birbaşa quru yol əlaqəsinin yaranması üçün 6-lıq platformaya qatılmaq məcburiyyətindədir: "Təbii ki, burada Türkiyənin diktəedici aktor olması amili də göz ardı edilməməlidir. İrana gəldikdə isə, İslam Respublikası bu platformada ABŞ-ın aparıcı rol almamasından məmnun olsa da, Türkiyənin bölgədə aparıcı aktora çevrilməsi, Azərbaycanın qərb sərhədlərinin bütövlüyünü təmin etdikdən sonra cənub sərhədləriylə bağlı düşünə bilməsi ehtimalı əlbəttə ki rəsmi Tehranı narahat edir. Elə ona görə də, İran Türkiyənin təklifindən ay yarım sonra "1 + 3" formatının ideyasını ortaya atdı. Qısacası, Paşinyan hakimiyyəti Ermənistanı Rusiyadan uzaqlaşdırıb, Türkiyə üzərindən Qərbə yaxınlaşdırmaq baxımdan, olduqca real şans qazanmış kimi görünür. Bu şansdan yararlanmaq üçün isə rəsmi İrəvanın Rusiyadan gələcək təzyiqləri dəf etməyə hazır olması vacibdir. Ermənistanın şansını düzgün istifadə edəcəyi təqdirdə isə, dəyişikliklər Qafqazda çox yaxında yeni geosiyasi arxitekturadan xəbər verir".</p><p><strong>Füzuli</strong></p>
