<p><b>“Lion Centre” MMC-nin direktoru, iş adamı Ramil Aslanov Prezident İlham Əliyevə və Birinci vitse-prezident Mehriban Əliyevaya müraciət edib.</b></p> <p><br/> Demokrat.az xəbər verir ki, R.Aslanov müraciətində Bakı Baş Gömrük İdarəsinin rəisinin və bəzi əməkdaşlarının iş adamlarının fəaliyyətinə maneələr yaratdığını qeyd edib.</p> <p>Müraciətdə bildirilir:<br/> <br/> Hörmətli cənab Prezident,</p> <p>İcazə verin, ilk növbədə Sizi qarşıdan gələn 8 Noyabr Qələbə günü münasibəti ilə təbrik edim. 44 gün davam etmiş Vətən müharibəsində möhtəşəm qələbənin əldə edilməsində Müzəffər Ali Baş Komandan kimi Sizin nümayiş etdirdiyiniz misilsiz əzmkarlıq, diplomatik bilik və bacarıq, göstərdiyiniz iradə, cəsarət, dözüm və soyuqqanlılıq qarşısında öz hörmət və ehtiramımı bildirirəm. Həmçinin, uzun illərdən bəri səbirsizliklə gözlədiyimiz bu möhtəşəm qələbənin əldə edilməsində Azərbaycanımızın igid övladlarına, qalib ordumuzun qəhrəman əsgər və zabitlərinə möhkəm can sağlığı, uzun ömür, daima ruh yüksəkliyi, döyüş əzmi, qazilərimizə tez bir zamanda sağalaraq normal həyata dönməyi arzulayıram. Vətən torpaqlarının azad edilməsində canlarını qurban vermiş şəhidlərimizin qarşısında baş əyir, onları böyüdüb boya-başa çatdırmış valideynlərinin əllərindən öpürəm.<br/> <br/> Hörmətli cənab Prezident,</p> <p>II Qarabağ müharibəsində əldə edilmiş qələbə və Qarabağımızın mənfur düşmənlərdən azad edilməsi biz iş adamlarını dövlətimiz və xalqımız üçün daha çox xeyirli işlər görməyə sövq edir. Çox təəssüflər olsun ki, ölkəmiz üçün həddindən artıq həssas bir dönəmdə müəyyən dövlət qurumlarında çalışan, öz vəzifə səlahiyyətlərindən sui-istifadə edərək biz sahibkarların işinə maneə törədən şəxslər var.<br/> <br/> Hörmətli cənab Prezident,</p> <p>Mən bundan əvvəl də Sizə məktubla müraciət etmiş və ölkəmizin gömrük orqanlarında baş verən qanunsuzluqlar barədə yazmışdım. Həmin məktublardan sonra gömrük orqanları tərəfindən rəhbəri olduğum “Lion Centre” MMC-yə qarşı müəyyən mənada yumşalma hiss olundu. Bir müddət sonra isə yenə də şirkətimə qarşı bəzi problemlərin yaradılmasına başlanıldı.<br/> <br/> Belə ki, Çin Xalq Respublikasından “Lion Centre” MMC-yə idxal olmuş mallar Bakı Baş Gömrük İdarəsində 01211000341373 saylı gömrük bəyannaməsi üzrə rəsmiləşdirilməsinə süni maneələr yaradıldı. 12.10.2021-ci ildən bu günədək həmin mallar Bakı Baş Gömrük İdarəsinin rəhbərliyi və maliyyə şöbəsinin əməkdaşları tərəfindən buraxılmır. Nəzərinizə çatdırmaq istəyirəm ki, Bakı Baş Gömrük İdarəsinin rəisinin və maliyyə şöbəsinin əməkdaşı Etibar Talıblının bu qanunsuz əməlləri nəticəsində mən xeyli miqdarda maddi ziyana uğramışam və bu zərər artmaqda davam edir. Əməkdaşlıq etdiyim xarici şirkətlər qarşısında öhdəliklərimin yerinə yetirilməməsi səbəbi ilə maddi ziyana uğramağımla yanaşı, işgüzar nüfuzuma da böyük zərbə endirilir. Son iki gündə həm yazılı, həm də şifahi olaraq Bakı Baş Gömrük İdarəsinin rəisi Kənan Məmmədova müraciət edərək, “Lion Center” MMC-yə aid olan malların hansı səbəblə gömrük rəsmiləşdirilməsinin yerinə yetirilməməsi ilə maraqlanmışam, lakin hələ də rəsmi bir cavab yoxdur. Telefon əlaqəsi yaratmaq istədikdə isə hər dəfə qeyri-müəyyən cavablar almışam, problemin həlli istiqamətində heç bir əməli addım atılmadığı məlum olub.</p> 01211000341373 saylı gömrük bəyannaməsi üzrə rəsmiləşdirilməyə daxil olduqdan sonra bəyannamə geri qaytarılıb və qanuna zidd olan cavab verilib. Rəsmiləşdirilməyə etiraz edilməsi səbəbi kimi sistemdə “gömrük dəyərinin müəyyən edilməsi üsulunun düzgün göstərilməməsi” qeyd edilmişdir, bu, ölkə qanunvericiliyinin tələblərinə tamamilə ziddir. Qeyd etməliyəm ki, Azərbaycan Respublikasının Gömrük ərazisinə gətirilən malların gömrük dəyərinin müəyyən edilməsi beynəlxalq təcrübədən qəbul edilmiş ümumi prinsiplərə əsasən tətbiq olunur. Gömrük tarifinin tətbiqi məqsədi ilə malların gömrük dəyərləndirilməsi qaydası Gömrük Məcəlləsinə uyğun olaraq “Gömrük Tarifi haqqında” Azərbaycan Respublikasının Qanunun 12-ci maddəsində qeyd olunan üsullarla müəyyən edilir. Lakin Bakı Baş Gömrük İdarəsinin rəhbərliyi və onun tabeliyində olan maliyyə inspektoru Etibar Talıblı, sanki, qanunun 12.1 maddəsini və 7-ci hesablama üsulu kəşf ediblər, konteyner üsulu ilə malların hesablanmasını dəyərləndirirlər. Etibar Talıblı mənimlə telefon danışığı zamanı bildirmişdir ki, dəyərləndirmə qaydası bir 40 futluq konteynerə və çəkisi 10 tona qədər olan elektrik işıqlandırıcıya görə 26000 manat, 8 tona qədər isə 24000 manat dəyərləndirilib. Hər növbəti tonnaja görə isə 500 manat əlavə olunmasını tələb edilmişdir. Bu hesablama qaydasını isə Etibar Talıblı Gömrük Komitəsinin və Bakı Baş Gömrük İdarəsinin rəhbərliyinin təlimatı olduğunu bildirmişdir. Eyni zamanda, bu təlimata uyğun mənim də hərəkət etməyə məcbur olduğumu qeyd etmişdir. <div class="embed-responsive" embed-responsive-16by9"> <iframe class="embed-responsive-item" src="https://player.bax.tv/embed/145298.html" allowfullscreen></iframe> </div> <p>Mən təcrübəli bir iş adamı kimi Gömrük Məcəlləsini dəfələrlə oxumağıma baxmayaraq, belə gömrük dəyərinin hesablama qaydasına rast gəlməmişəm. Etibar Talıblıyla 3 gündür ki, bu hesablama qaydasının qanunsuz olduğu barədə arqumentlərimi gətirirəm, sübutlarımı təqdim edirəm. O mənə buna qarşılıq olaraq dəyərin müəyyən edilməsi üsulunun düzgün göstərilmədiyini bildirir. Mən ondan bu sözlərin səbəbinin izahını istədikdə, o mənə “Get hara şikayət edə bilirsən et” dedi. Bu da bizim dövlət məmurları, bu da sahibkarlara olan dəstək. Belə ki, Bakı Baş Gömrük İdarəsinin rəisi Kənan Məmmədov mənim rəsmi məktublarıma cavab verməkdən boyun qaçırması onu göstərir ki, ona daha maraqlı olan karqo şirkətlərinin mallarıdır. Çox maraqlıdır ki, tonlarla mallar hansı qapılardan keçərək gəlir. Çünki mənim bir adda bir konteyner olan, çəkisi 8 ton 276 olan malım neçə gündür gömrüyün həyətindədir və rəsmiləşdirilmir. Lakin Kənan Məmmədovun himayə etdiyi hər bir şirkətin hər gün 25-30 konteyneri və hər birinin içərisində 80 adda malı olan və hər bir konteynerin 24-26 ton çəkisi təşkil edən malları Bakı Baş Gömrük İdarəsinin maliyyə şöbəsində rəsmiləşdirilərək buraxılması 10 dəqiqə ərzində həll olunur. Düşünürəm ki, onlar da Kənan Məmmədovun və onun yaratdığı süni maneələr təşkil edən dəstəsinin himayəsində olmasalar, onların hər bir malı, hər bir konteyneri 3 aydan tez oradan çıxmaz. Keçən məktublarımda bildirdiyim kimi, bir daha sübutalarla bildirirəm ki, Bakı Baş Gömrük İdarəsinin Rəisi Kənan Məmmədovun himayəsində olan şirkətlər “Bir pəncərə” sistemindən çox gözəl faydalanırlar, amma biz sadə sahibkarlar Bakı Baş Gömrük İdarəsinin süni yaratdığı “21 pəncərə” prinsipi sistemindən keçmək istəsək də, yenə də keçə bilmirik.<br/> <br/> Belə ki. mənim kimi sadə iş adamları hər gün malları gələrkən cüzi, mexaniki səhvlərə görə aylarla tətqiqat və istintaq şöbələrində süründürməçiliyə məruz qalırlar. Bu da biz iş adamlarına maddi, mənəvi və psixoloji təzyiqlərin edilməsi deməkdir. Buradan belə görsənir ki, Bakı Baş Gömrük İdarəsinin rəisi cənab Kənan Məmmədov yeni iş adamlarının incidilməsi mexanizmini yaradıb. Bu da öz növbəsində onun özünə ortaq etdiyi şirkətlərə daha da böyük və geniş imkanlar yaradır. Bunun başqa adı yoxdur.</p> <p>Son zamanlar Sizin tapşırığınıza əsasən respublikamızın gömrük orqanlarında şəffaflığın, qanunun aliliyinin təmin edilməsi, gömrük orqanlarında korrupsiya əməllərinə qarşı hüquq-mühafizə orqanları tərəfindən aparılan tədbirlər öz bəhrəsini verməklə yanaşı, aparılan təmizləmə işlərinin hələ bir müddət davam etməsi zərurətini yaradır. Görünür respublikamızın gömrük orqanlarında çalışan bəzi məmurlar hələ də öz işlərinə biganə yanaşır və üzərilərinə düşən vəzifələri vicdanla yerinə yetirməkdən boyun qaçırırlar. Ölkəmizin iqtisadiyyatının inkişafı ölkədə iş adamları üçün yaradılan münbit şəraitdən asılıdır. Təəssüflər olsun ki, Sizin dövlətimiz, xalqımız, millətimiz üçün göstərdiyiniz fədakarlığın nəticəsində əldə olunmuş nailiyyətlərə bəzi dövlət məmurları öz qanunsuz əməlləri ilə kölgə salmağa çalışırlar. Əminəm ki, həmin məmurlar öz istəklərinə nail ola bilməyəcəklər. Çünki biz iş adamları yalnız Sizə güvənirik.</p> <p>Yuxarıda göstərilənlərdən irəli gələrək, Çin Xalq Respublikasından sahibi olduğum “Lion Centre” MMC-yə idxal olunmuş 01211000341373 saylı gömrük bəyannaməsi üzrə 12.10.2021 tarixindən etibarən Bakı Baş Gömrük İdarəsində qeyri-müəyyən səbəblərdən saxlanılan və rəsmiləşdirilməsinə maneə törədən şəxslərin qarşısının alınması, eyni zamanda 01211000341373 saylı gömrük bəyannaməsi üzrə gömrük rəsmiləşdirilməsinin təmin edilməsi məqsədilə müvafiq dövlət orqanlarının rəhbərlərinə göstəriş verməyinizi Sizdən xahiş edirəm.<br/> Demokrat.az</p>
<b>Azərbaycan Milli Elmlər Akademiyası (AMEA) N.Tusi adına Şamaxı Asrofizika Rəsədxanası tərəfindən keçirilən tender müsabiqəsinin (Kotirovka sorğusu) qalibi "Morgan-Az2021” MMC (VÖEN- 1904850541) olub.</b> Yeniavaz.com xəbər verir ki, "Morgan-Az2021” MMC AMEA-ya ümumi dəyəri 40 min manat olan maşın və avadanlıqlar satacaq.<br/> Məlumat üçün bildirək ki, AMEA tender müsabiqəsini bu ilin sentyabr ayının 3-də elan edib.<br/> Maraqlıdır ki, tenderin qalibi olan "Morgan-Az2021” MMC tender elanından cəmi 2 gün əvvəl – 31.08.2021-ci il tarixində dövlət qeydiyyatına alınıb.<div class="embed-responsive" embed-responsive-16by9"> <iframe class="embed-responsive-item" src="https://player.bax.tv/embed/145324.html" allowfullscreen></iframe> </div><br/> "Dövlət satınalmaları haqqında" Qanunun 6-cı maddəsində podratçıların ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlığının olması lazımdır.<br/> Cəmi 2 gün əvvəl yaranan, bu şirkətin hansı peşəkarlığa və təcrübəyə sahib olacağı aydın deyil.<br/> Onu da bildirək ki, nizamnamə kapitalı cəmi 10 manat olan MMC-nin hüquqi ünvanı “Bakı şəhəri, Suraxanı rayonu, AB Yaşayış sahəsi (Yeni Günəşli qəs.), ev 153, m. 40”-də yerləşir. MMC-nin qanuni təmsilçisi Əliyev Mövlud Tərxan oğludur.<br/> Tender müsabiqəsilə bağlı diqqət çəkən məqamlardan biri də odur ki, iyul ayında “Morgan-Az2021” MMC-nin qeydiyyatda olduğu Yeni Günəşli qəsəbəsində bənzər adlar altında onlarla MMC dövlət qeydiyyatına alınıb.<br/> <b>Həmin MMC-lərin bəzilərini təqdim edirik:</b> <div class="container" no-gutters"> <div class="row"> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https:https://cdn.yeniavaz.com/uploadedfiles/custom/2021/10/16/3/8b3d47bc-a161-47af-bbae-5afc5624a715/amea-morgan-tender-2.jpg"> <img class="img-fluid" alt="" src="https:https://cdn.yeniavaz.com/uploadedfiles/custom/2021/10/16/3/8b3d47bc-a161-47af-bbae-5afc5624a715/amea-morgan-tender-2.jpg"/> </a> </div> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https:https://cdn.yeniavaz.com/uploadedfiles/custom/2021/10/16/3/dfa0d887-ec0b-4ea1-963b-815838e4d7e3/amea-morgan-tender-1.jpg"> <img class="img-fluid" alt="" src="https:https://cdn.yeniavaz.com/uploadedfiles/custom/2021/10/16/3/dfa0d887-ec0b-4ea1-963b-815838e4d7e3/amea-morgan-tender-1.jpg"/> </a> </div> </div> </div>
<p><b>Sumqayıtda yeni inşa edilməkdə olan şəhid bulağının söküldüyü iddia olunur.</b></p> <p>Hadisə Bakı-Quba yolunun Sumqayıt şəhəri ərazisinə düşən hissəsində baş verib.Bildirilir ki, magistral yolun kənarında İkinci Qarabağ müharibəsi şəhidi İlkin Xosrovzadənin adına yaxınları tərəfindən bulaq inşa olunur.Hadisədən bir gün qabaq Sumqayıt Şəhər İcra Hakimiyyətinin Memarlıq və Şəhərsalma idarəsinin əməkdaşları şəhid ailəsinə tikintiyə icazə verməyəcəklərini və bununla bağlı aidiyyəti qurumlardan icazə alınmalı olduğunu bildiriblər.Daha ətraflı Baku TV-nin süjetində:</p> <div class="embed-responsive" embed-responsive-16by9 mb-4"> <iframe class="embed-responsive-item" src="https://player.bax.tv/embed/145324.html" allowfullscreen></iframe> </div>
<p>Azərbaycan Avtomobil Yolları Dövlət Agentliyinin İdarə Heyətinin sədr müavini Əvəz Qocayevin əmlaklarının və biznesinin mətbuatda yayılmış siyahısında iki məqam diqqət çəkir. TİA. Az-ın verdiyi xəbərə görə, Ə. Qocayevin Bakının Həsən Əliyev küçəsində yerləşən “Real” MTK-də 380 kv.m olan ofisi olduğu mediada yazılıb. Daha sonra qeyd olunur ki, elə həmin MTK-da 4 otaqlı sahəsi 185 kv.m olan mənzili də var. Bir binada həm ofis, həm mənzil sahibi olan Qocayevin aldığı dövlət maaşı ilə bu mülklərə necə sahiblənməsi təəccüblü deyil. Çünki ölkədə bir çox məmurlar korrupsiya pulları ilə varlanıb biznes qurublar. Ona görə Qocayevin bu əmlakları necə əldə etməsi müzakirə predmeti deyil. Lakin diqqət cəlb edən nüans sözügedən MTK-dır. Çünki bu şirkətin sahibi “MTN işi” üzrə həbs edilib. “Real” MTK tikinti şirkətinin həbsdə olan rəhbəri İlham Qasımov, onun oğlanları Nurlan və Ləti o zaman tutulan MTN generalı Akif Çovdarovun işi üzrə ifadə veriblər. Real” MTK-nın rəhbəri Cinayət Məcəlləsinin 178 (dələduzluq), 308.2 (vəzifə səlahiyyətlərindən sui istifadə) və 313-cü (vəzifə saxtakarlığı) maddələri ilə ittiham olunub.</p> İlham Qasımov həmçinin MTN general olmuş Akif Çovdarovun cinayət işində zərərçəkmiş kimi tanınmış şəxs kimi tanınıb. Yəni belə bir cəncəl işlərə qarışmış, həbs edilmiş MTK rəhbəri ilə Əvəz Qocayevin nə alış-verişi olub, çox maraqlıdır. Qeyd edək ki, Əvəz Qocayevin sərvətlərinin siyahısını yayıb:<br/> 1. “Ocaq” ailəvi restoran ( Binəqədi, Digah yol kəsişməsi 4)<br/> 2. Yasamal, Xətayi, Sabil rayonlarında “Ocaq” (restoran, kafe, art) şəbəkəsi<br/> 3. Tovuz rayonu Əyyublu kəndində böyük ferma, artezian quyular<br/> 4. Port Bakunun üstündə sahəsi 130 kv.m olan 3 otaqlı mənzil<br/> 5. “NN” Gözəllik salonları şəbəkəsi (şəhərin müxtəlif yerlərində- qızı Xatirə Qocayeva idarə edir)<br/> 6. H.Əliyev küçəsində “Real” MTK-də 380 kv.m olan ofis (ASAN xidmətin arxası)<br/> 7. Binəqədi rayonu Cəfər Xəndan küçəsi 28, mənzil 23 ünvanında sahəsi 155 kv.m olan 4 otaqlı mənzil<br/> 8. Özəl və dövlət banklarında arvadı Tamella Qocayevanın adına 10 milyon manat depozit ( arvadının və ayrı-ayrı şəxslərin adına rəsmiləşdirilmiş, təkcə bu depozitlərdən 12 faizlə aylıq faiz gəlir təxminən 200 min manat)<br/> 9. Hazırda oğlu Anar Qocayev İnterpol Baş İdarəsində rəis müavini vəzifəsində çalışır.<br/> 10. Köhnə “Varovski”da 3 mərtəbə villa<div class="embed-responsive" embed-responsive-16by9"> <iframe class="embed-responsive-item" src="https://player.bax.tv/embed/145274.html" allowfullscreen></iframe> </div><br/> 11. Novxanıda ayrı-ayrılıqda 3 villa<br/> 12. “Star-M” MTK-da ümumi sahəsi 320 kv.m olan 7 otaqlı iki mənzil<br/> 13. “REAL” MTK-da 4 otaqlı sahəsi 185 kv.m olan mənzil<br/> 14. Port Bakuda 150 kv m daha bir mənzil<br/> 15. Binəqədi rayonunda böyük torpaq sahələri<br/> 16. Moskvada mənzil, Türkiyədə məşhur Leventdə mənzil<br/> 17. Qızı Xatirə Qocayevanın adına 2 milyon depozit<br/> 18. Şüvəlanda villa<br/> 19. Özünə və ailsəinə məxsus “Rang Rover”, “Audi Q7”, “Sklass Mercedes”,” Porche”, “BMW” markalı bahalı avtomobillər<br/> 20. Tovuz rayonunun özündə və Əyyublu kəndində tikinti materialları mağazası<br/> 21. Dərnəgüldə tikinti materialları mağazası<br/> 22. Bacısı Afət Qocayeva Əyyublu kənd orta məkətibinin direktorudur.<br/> 23. Bir tender şirkəti, “Polat Qapı Yol” şirkəti ilə şəriklik və s…<br/> https://tia.az/evez-qocayevin-mtn-isi-nde-hebs-edilen-is-adami-ile-ne-alis-verisi-olub/
<b>Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Bakının Bilgəh qəsəbəsində yerləşən ahıl şəxslər üçün sosial xidmət müəssisəsinin ("Qocalar evi") sakini sensasiyalı iddialar səsləndirib.</b><br/> Bakupost.az xəbər verir ki, qocaların birinin oxu.az-a dediyinə görə, "Qocalar evi"nin sabiq direktoru Qətibə Əsədovanın rəhbərlik etdiyi dövrdə burada qalmaq üçün hər ay 100 manat pul ödəyirmiş:<br/> <div class="embed-responsive" embed-responsive-16by9"> <iframe class="embed-responsive-item" src="https://player.bax.tv/embed/145274.html" allowfullscreen></iframe> </div> <p>"Keçmiş direktor sakinlər arasında ayrı-seçkilik salırdı. O, məni yola vermirdi. Mən qocalar evinə pulla gəlmişəm. Hər ay Qətibə Əsədovaya 100 manat pul ödəyirdim. Məni çox incidirdi, bilmirdim ki, nə edim. Mən ona dedim ki, sən işdən çıxarılanda nəzir verəcəyəm.</p> <p>Elə oldu ki, onun vəzifəsindən azad edilməsi barədə qərar verildi. Mən bunu etdim, yəni nəzir verdim. Hətta Qətibə Əsədova bildirdi ki, bəs mənim nəzirim? Dedim ki, sənin nəzirini də çatdıracağam. O işdən çıxanda ona 50 manat verdim və dedim ki, bu da sənin nəzirindir. Götürdü də".</p> <p>Ahıl iddia edib ki, Q.Əsədova "Qocalar evi"ndə ahıllara kiminləsə intim münasibət qurmağı, başqa sözlə fahişəlik təklif edirmiş. Həmin pulun bir hissəsi qocaya, digər hissəsi isə Q.Əsədovaya çatmalı imiş.</p> <p>"Çıxanda məni otağına çağırdı, dedi ki, mən gedirəm, amma sənə ürəyim yanır. Mənə dedi ki, bu xasiyyətlə burda çox qalmayacaqsan. Çünki mən buraya gələndə Qətibə Əsədova mənə dedi ki, burda qalmaq üçün ya ailə həyatı qurmalısan, ya da kiminləsə pul qarşılığında görüşəsən, yoxsa, burda qala bilməyəcəksən", - deyə, o, əlavə edib.</p> <p>Qeyd edək ki, Oxu.az-ın müxbiri müəssisədə olan zaman qocaların əksəriyyəti keçmiş direktorun dövründə çətin vəziyyətdə yaşadıqlarını, vaxtı-vaxtında yeməklə təmin olunmadıqlarını bildiriblər.</p> <p>İddialarla bağlı Q.Əsədova ilə əlaqə saxladıq. Keçmiş direktor iddiaları təkzib edib:</p> <p>"Orda kişi var idi? Hamısı qoca adamlardır".</p> <p>O qeyd edib ki, bu iddia ilə çıxış edənləri məhkəməyə verəcək.</p> <p>Xatırladaq ki, Qətibə Əsədova keçmiş əmək və əhalinin sosial müdafiəsi naziri, hazırda həbsdə olan Səlim Müslümovun dövründə "Qocalar evi"nin direktoru təyin edilib.</p> <p>Onu əmək və əhalinin sosial müdafiəsi naziri Sahil Babayev vəzifəsindən azad edib.</p>
<p>Azərbaycan Həmkarlar İttifaqları Konfederasiyası sədri, deputat Səttar Möhbalıyev özünü kral hesab edir. TİA. Az bildirir ki, onun kreslosunu görəndə belə qənaətə gəlmək olur. Deputat elə bir dəbdəbəli, şahlara, fironlara aid kresloya sahiblənib ki, təvazökarlıqdan çox uzaqdır. Amma deyəsən iki məsələni unudub: bir – ölkə başçısı İlham Əliyev ASAN könüllüləri ilə görüşdə onun üçün nəzərdə tutulmuş kreslonun adi stulla əvəz edilməsini tələb etmişdi. Deyəsən Prezidentin bu davranışı bəzi məmurlar üçün dərs olmayıb, iki – qudası, prezidentin keçmiş köməkçisi Əli Həsənovun kreslodan sonra aqibəti yadına düşmür. Möhbalıyev onun ucbatından rəhbəri olduğu qurumun qarşısında özünü yandıran qazini də xatırlamalıdır və bilməlidir ki, indi ona belə kreslo yaraşırmı… Hələ konfederasiyada yuyulan pulları, silinən büdcəni, putyovka biznesini, deputatın obyektlərini demirik, heç olmasa sadəlikdə nümunə götürsünlər.</p> <div class="embed-responsive" embed-responsive-16by9 mb-4"> <iframe class="embed-responsive-item" src="https://player.bax.tv/embed/145236.html" allowfullscreen></iframe> </div>
<p>Xəbər verdiyimiz kimi, sentyabrın 13-ü səhər saatlarında Heydər Əliyev Beynəlxalq Hava Limanı-Mərdəkan avtomobil yolunun “Surxanı dairəsi” adlanan hissəsində ağır yol qəzası baş verib. Yük avtomobilinin avtobusa çırpılması nəticəsində 5 nəfər ölüb, 21 nəfər isə yaralanıb. Qəza zamanı xəsarət alan 13 nəfərin vəziyyətinin ağır olduğu bildirilir.</p> <p>Qeyd edək ki, hadisədən cəmi bir gün qabaq <b>Prezident İlham Əliyev</b> <b>“Avtomobil nəqliyyatı sahəsində idarəetmənin təkmilləşdirilməsi ilə bağlı bəzi tədbirlər haqqında”</b> Fərman imzalayıb. Fərmana əsasən, <b>Dövlət Avtomobil Nəqliyyatı Xidməti</b>nin bazasında <b>Azərbaycan Yerüstü Nəqliyyat Agentliyi (AYNA)</b> publik hüquqi şəxs yaradılıb.<br/> Kütləvi insan tələfatına səbəb olan ağır yol qəzası ölkədə nəqliyyat sisteminin fəaliyyəti ilə bağlı müzakirələri yenidən gündəmə gətirib. Azərbaycan Yerüstü Nəqliyyat Agentliyi (AYNA) iddia edir ki, qəzanı törədən avotomobilin fərqlənmə nişanı olmalı idi və bu olmayıb. <b>Bakı Nəqliyyat Agentliyi (BNA)</b> isə günahın avtobus sürücüsündə olmadığını deməklə, özünü kənarda tutur. Dövlət Yol Polisi İdarəsi (DYP) isə əsas səlahiyyətlərin ondan alındığını söyləyir.<br/> <b>Ortaya haqlı suallar çıxır:</b><br/> <b>1. Qəzanı törədən yük avtomobilinin niyə fərqlənmə nişanı olmayıb? Fərqlənmə nişanı necə əldə edilir?</b><br/> <b>2. Bakı Nəqliyyat Agenliyi (BNA) avtobusların xaotik hərəkətinə niyə nəzarət etmir?</b><br/> <b>3. Taksilərin marşrut dayanacaqlarının qarşısında dayanmasına kimlər şərait yaradır?</b><br/> <b>4. Dövlət Yol Polisi İdarəsi (DYP) niyə bütün bu məsələlərə etinasız yanaşır?</b><br/> <b>Cavablar</b>:</p> <p>1. Əvvəla ondan başlayaq ki, əvvəlki adı Dövlət Avtomobil Nəqliyyatı Xidməti (DANX), indiki adı isə Azərbaycan Yerüstü Nəqliyyat Agentliyi (AYNA) olan qurum Bakı şəhəri istisna olmaqla digər bölgələrdə yükdaşımalara, sərnişin daşımalara, avtovağzalların idarə edilməsinə və digər məsələlərə nəzarət edir. Bakı şəhərində isə yalnız yükdaşımalara icazə verə bilər.<br/> Avtomobil nəqliyyatı ilə sərnişin və yükdaşımalarını həyata keçirən vergi ödəyicilərinin “Fərqlənmə nişanı” əldə etməsi icbaridir, yəni məcburi. Misal üçün,Bakı Beynəlxalq Avtovağzal Kompleksində çalışan və 20+1 oturacağı olan mikro avtobuslarla sərnişin daşıyan sürücülərdən hər ay <b>“Fərqlənmə nişanı”</b> üçün 250 manat rüsum alınır. Əslində isə əsmi rüsum 72 manatdır. Və ən dəhşətlisi də odur ki, sürücülərin heç biri “Fərqlənmə nişanı”nın nə üçün verildiyini, hansı fərqləndirici xüsusiyyətləri olması barədə məlumatsızdır. Sürücülərdən birinin Hokm.Az-a dediyinə görə, hər ay ödəniş edirlər və səbəbini də bilmirlər: “Bununla maraqlanmaq təhlükəlidir. Öz hüququnu tələb etsən dərhal xətdən çıxarılacaqsan”.<br/> Göründüyü kimi, AYNA bu məsələni alver predmetinə çevirib. Və belə olduğu halda “Fərlənmə nişanı” sadəcə kağız parçası mahiyyətini daşıyır. Belədə “Bunu kim və ya nəyə görə keçirir” sualının da artıq bir mənası qalmır. Ortaya çıxan mənzərə isə budur: Qəzanı törədən sürücünün “Fərqlənmə nişanı” olsaydı belə, bu heç nəyi dəyişməyəcəkdi.<br/> 2. Paytaxtda fəaliyyət göstərən avtobuslar ölüm mənbəyidir. Onlar sərnişinlərin əsəblərini pozmaqla, onları çərlətməklə məşğuldurlar. Qrafikin pozulması, sərnişinləri gözlətmə, yolda ötüşmə, həddindən çox sərnişin yığmaq və s. avtobusdan istifadə edənlər üçün tanış mənzərədir. Bununla bağlı edilən şikayətlərin heç birinə isə BNA reaksiya vermir.</p> <p>3. Avtobus dayanacaqları taksilərin “oylağına” çevrilib. Avtobuslar onlara məxsus olan yollarda sərbəst hərəkət edə, dayanacağa doğru yön ala bilmirlər və nəticədə xaos yaranır. Taksiləri bu cür qanunsuz fəaliyyətə təşviq edən səbəblər nədir və niyə BNA bunların qarşısını almır?</p> <p>4. <b>Dövlət Yol Polisi İdarəsi (DYP)</b> səlahiyyətlərinin azalmasından şikayət edir. Doğrudanmı günün əksər saatlarında kiçik xəta törədən sürücüləri güdməkdən başqa onların bir işi yoxdur? Olmazdımı ki, əsas diqqəti yolların təhlükəsizliyinə ayırsınlar və nəticədə bu cür faciələr yaşanmasın?</p> <p>Milli Məclisin sabiq deputatı, iqtisadçı-ekspert <b>Nazim Bəydəmirli</b> hokm.az-a bildirib ki, nəqliyyata məsul qurumlar “Burda mənəm, Bağdadda kor xəlifə”prinsipi ilə hərəkət edirlər: “Hərə öz sahəsinin ağasıdır. Kordinasiyalı fəaliyyət göstərmirlər, daha çox səlahiyyət uğrunda mübarizə aparırlar. AYNA, BNA və DYP birgə fəaliyyət göstərməlidirlər. Lakin biz nəyin şahidi oluruq? Gördüyümüz kimi, onlardan birinə yollardakı xaotik vəziyyətlə bağlı sual versən, dərhal məsuliyyəti digərinin üzərinə atırlar. Son illər yolların qurulması, yol infrastrukturunun genişlənməsi üçün nə qədər vəsait ayrılıb. Bəs niyə biz müsbət yenilikləri müşahidə etmirik? Nə qədər ki, nəqliyyat sistemində hərc-mərclik, məmur özbaşınalığı halları davam edəcək, belə də olacaq”.<br/> Ekspertin sözlərinə görə, son qəzada sürücü nə qədər günahkardırsa, dövlət qurumları da o qədər günahkardır: “Bir qəzada 30-a yaxın insanın həyatı məhv olub. Onlar ünvan başına çatmalıydılar, məzara və xəstəxanaya yox. Bu qurumlar yalnız əhalini soymaqla məşğuldurlar. Faktiki olaraq ölkədə “cərimə iqtisadiyyatı” qurulub. Cərimələr ona görədir ki, bir daha belə hallar baş verməsin, başqaları bundan ibrət götürsünlər, yollarda təhlükəsizlik təmin edilsin. Bizdə isə cərimələrlə pul toplayırlar. Maraqlanan yoxdur ki, bu cərimələr əsas məqsədə, söylədiyim kimi, insanların təhlükəsiz hərəkətinə hansı töfhələr verir? Bu kimi hallara son qoyulmalıdır” – deyə keçmiş deputat fikirini yekunlaşdırır.<br/> <b>Mikayıl Mirzəzadə</b><br/> <b>HOKM.AZ</b></p>
<p>Azərbaycan Texniki Universiteti deyəndə ilk ağıla bir neçə ad gəlir: Birincisi, keçmiş Politexnik İnstitutu, ikincisi institutun sabiq rektoru Havar Məmmədov, üçüncüsü lətifəsi bunlardan uzaq olsun, “it döyüşməsi”, dördüncüsü ATU-nun indiki rektoru Vilayət Vəliyev və s…</p> <p>Qaydanı pozaraq sonuncudan başlayaq, yəni Vilayət Vəliyevdən.<br/> Vilayət Vəliyev kimdir ?<br/> Rəsmi tərcümeyi-halı belədir:<br/> Vilayət Məmməd oğlu Vəliyev - iqtisad elmləri doktorudur, Azərbaycan Respublikası İqtisadiyyat Nazirliyin İqtisadi İslahatlar Elmi Tədqiqat İnstitutunun direktoru vəzifəsində çalışıb.<br/> Vilayət Vəliyev 1978-ci ildə Sumqayıt şəhər 49 saylı texniki-peşə məktəbini bitirib.<br/> 1978-1983-cü illərdə Azərbaycan Dövlət Universitetinin (indiki Bakı Dövlət Universitetinin) Tətbiqi <a target="_blank" href="https://kayzen.az/blog/riyaziyyat/">riyaziyyat</a> fakültəsini başa vurub.<br/> 2007-ci ildə “İqtisadiyyatın riyazi və instrumental üsulları” ixtisası üzrə iqtisad elmləri doktoru elmi adı alıb. 2012-ci ildən Azərbaycan Milli Aviasiya Akademiyasında yarımştat professor vəzifəsində çalışır.<br/> Yəni bu adam YARIMŞTAT PROFESSOR-dur.<br/> Bu universitet hamilə qadın və süd verən analardan COVİD pasportu tələb olunması ilə gündəmə gəlib.<br/> Təsəvvür edirsiniz, universitet tələbəsi olan hamilə qadın ondan COVİD pasportu və əks-göstəriş sənədi təqdim edə bilmədiyinə görə hətta tələbə hüququndan imtina edib.<br/> Görəsən rektor başa düşmür ki, hamilə qadınları, uşaq əmizdirən analar peyvənd olunmağa məcbur edilə bilməz.<br/> İndi görək, ATU-nun Havar Məmmədovdan sonrakı rektoru Vilayət Vəliyev hansı müsbət dəyişikliklər edə bildi ?<br/> Bu gün bəlli olur ki, universitetə Vilayət Vəliyevin rektor təyin olunması orada heç nəyi dəyişməyib.<br/> 5 minə yaxın tələbənin imtahanlardan fənn kəsiri yaranmasından doğan problemlər həllini tapmayıb.<br/> Əksinə Vilayət Vəliyev xeyli müddət İlham Pirməmmədovun rüşvət şəbəkəsindən faydalanıb.<br/> Düzdür sonralar İlham Pirməmmədov prorektor vəzifəsindən azad edildi.<br/> Vilayət Vəliyev də sələfi kimi öz qohum-əqrəbasını, dostlarını ATU-ya doldurmaqla məşğul oldu.<br/> Əslində bu belə də olmalı idi. Çünki yazının girişində sabiq rektor Havar Məmmədovun adını, “it döyüşməsi” məsələsini əbəs yerə çəkmədik.<br/> Uzun illər ATU-nun rektoru olan Havar Məmmədovun adı universitetin İdman zalında it boğuşdurması və bu yolla pul qazanması ilə dövrü mətbuatın manşetinin bəzəyi olub.<br/> Havar Məmmədov uzun illər Politexnik İnstitutunda Komsomol Komitəsinin katibi olub.<br/> Havar Məmmədov 2000-ci ildən 2016-cı ilə kimi, yəni 16 il ATU-da rektor olmuşdur.<br/> Bu müddət ərzində Havar Məmmədov elm üçün heç bir iş görməyib, ancaq özünə sərvət toplayıb. Bu adam tələbələrdən keçid balı üçün 200 manat yığmağın “avtorudur”.<br/> Bu adamın 3 milyonu kimə verməsi də bəllidir.</p> <p>Sabiq rektorun Xocahəsəndəki dəmir beton zavoduna şərikliyi də bəllidir.<br/> Bu adamın 4 milyonluq villası barədə də çox yazılıb.<br/> Universitetin təmirinə ayrılmış pulların bir qismi Novxanıdakı bahalı villanın inşa edilməsinə sərf olunub.<br/> Araşdırmalar nəticəsində Havar Məmmədovun daha bir villasını aşkarlamaq mümkün olub. Belə ki, bu dəfə Heydər Əliyev Məscidinin yaxınlığında, “milyonçular məhəlləsi” deyilən ərazidə rektorun 3 mərtəbəli villası tapılıb.<br/> Görəsən Havar Məmmədov bu milyonları haradan qazanıb ?<br/> Diqqətli oxucuların yaxşı yadında olar. Havar Məmmədov bir vaxtlar ATU-nun geniş idman zalını it boğuşduranlara arendaya verərək, pul qazanırdı.<br/> Bir sözlə, Vilayət Vəliyev sələfi Havar Məmmədovun əməllərini başqa formada davam etdirir. //gundelik-baku.com//<br/> XalqXeber.Azhttps://xalqxeber.az/agenda/71679-texniki-universitetin-rektor-belas-bexti-getirmir-ki-getirmir.html</p>
<p>Azərbaycanda tədris ilinin başlaması ilə bir çox məsələlər yenidən gündəmə gəlib. Onlardan biri də təhsil haqqıdır. ADA Universitetində yerli tələbələr üçün təhsil haqqı 6000-6500 arasında dəyişir. Universitet bəzi tələbələrə ödənişsiz əsaslarla təhsil almaq hüququ da verir, amma bu tələbələr universitetə “tələbə xərci” kimi illik 750 manat ödəniş etməlidirlər.</p> <br/> Xarici ölkə vətəndaşları üçün isə bütün fakültələr üzrə təhsil haqqı 8500 manatdır. Xəzər Universitetində ödənişli təhsil 4000-5000 AZN-ə başa gəlir. Bakı Dövlət Universitetində ən bahalı ixtisas hüquqşünaslıqdır - 4500 manat. Digər ixtisaslarda qiymətlər 2500-2900 AZN civarındadır. Bakı Ali Neft Məktəbində təhsil almaq istəyənlər informasiya təhlükəsizliyi, proseslərin avtomatlaşdırılması mühəndisliyi və neft-qaz mühəndisliyi ixtisasları üzrə illik 4500 manat ödəməlidirlər.<br/> <br/> Azərbaycan Universitetində illik təhsil haqqı maksimum 3000 AZN, minimum 2000-2500 AZN-dir. Azərbaycan Turizm və Menecment Universitetində ödənişli təhsil 2400-3000 AZN, Bakı Mühəndislik Universitetində 2700-2900 AZN-ə başa gəlir.<br/> <br/> Görəsən, Azərbaycanda ali təhsil üçün ödənişlər verilən təhsilə uyğundurmu?<br/> <br/> Təhsil eksperti Kamran Əsədov “Yeni Müsavat” a açıqlamasında statistik göstəricilərə diqqət çəkdi: “2021-ci ildə ali təhsil müəssisələrinə 50 minə qədər plan yeri ayrıldı. Qəbul planı 2020-ci illə müqayisədə 5,37 faiz artırıldı. Bunlardan 138 yer qəbul imtahanlarında müsabiqədənkənar iştirak edən abituriyentlər (64 yer ADA Universitetinə SAT balına əsasən qəbul olunanlar) tərəfindən tutulub. Qalan yerlərdən 31554-ü Azərbaycan bölməsi, 3783-ü rus bölməsi, 9684-ü isə hər iki bölmənin birgə müsabiqəsi üçün nəzərdə tutulmuşdu”.<br/> <br/> Ekspertin sözlərinə görə, qəbul planındakı 38429 yer dövlət, 6730 yer isə özəl ali təhsil müəssisələrinin payına düşürdü. 11871 yer ali təhsil müəssisələrinə dövlət sifarişi əsasında qəbul üçün nəzərdə tutulmuşdu: “Bunlardan 66 yer qəbul imtahanlarında müsabiqədənkənar iştirak edən abituriyentlər tərəfindən tutulub. Bu il ali təhsil müəssisələrinə qəbul planı 2020-ci illə müqayisədə daha çox idi. Ümumilikdə, 2807 yer və ya 6.22% artım var idi. Dövlət sifarişli plan yerlərinin sayı kəskin artırıldı. 50 min plan yerindən 22 min yer dövlət sifarişli idi və ötən illə müqayisədə bu 7985 yer və ya 65,43% artım deməkdir”.<br/> <br/> K.Əsədov bildirdi ki, 2021-cu ildə ali təhsil müəssisəsində bəzi universitetlərdə təhsil haqları kifayət qədər yüksəkdir. Yerli universitetlərdə ən bahalı ixtisaslar hüquqşünaslıq, beynəlxalq münasibətlər, iqtisadiyyat, maliyyə, biznesin idarə edilməsi və s. tibb sahəsi üzrə müalicə işi və əczaçılıq ixtisaslarıdır. O hesab edir ki, tələbələrdən təhsil haqqını birdəfəlik ödəməyi tələb etmək düzgün deyildi: “Ödəniş hissə-hissə olmalı idi. Çünki valideynlərin vəziyyətini nəzərə almaq lazımdır. Təcrübə göstərir ki, tələbələr imtahanlara buraxılmırlar və universitetdən xaric olunurlar. Azərbaycanda təhsil haqlarının ödənilməsi dünya təcrübəsindən fərqlidir. Dünyada tələbələr təhsil haqqını birinci kursdan sonuncu kursa qədər hissələrlə ödəmək imkanına malikdir. Son 5 il ərzində ölkəmizdə 7000 tələbə təhsil haqqını ödəyə bilmədiyi üçün təhsilini yarımçıq qoyub”.<br/> <br/> K.Əsədov qeyd etdi ki, 1992-2020-ci illər ərzində ali məktəblərdən 40 minə yaxın tələbə xaric edilib. Onun sözlərinə görə, ödənişli əsaslarla oxuyan tələbə hər hansı səbəbdən təhsil haqqını ödəyə bilmədikdə müxtəlif variantlardan yararlana bilir: Kimi hər hansı imkanlı şəxslərin hesabına oxuyur, kimi də çalışdığı şirkətin vasitəçiliyi ilə bu problemi həll edir. Təhsil haqlarına baxanda deyə bilərəm ki, Azərbaycanın bəzi universitetlərinin bir illik təhsil haqqı ilə qonşu Türkiyədə bir il ərzində bir tələbənin yaşayış xərclərini də qarşılamaq mümkündür. Üstəlik, orada təhsilin keyfiyyəti, tanınma daha yüksəkdir. Tələbə yataqxanası var və qiyməti 50-150 manatdır. Burada isə ən pis evdə kirayə haqqı 300 manatdır. Yemək məsələsi də orada daha ucuzdur, tələbələr universitet yeməkxanalarında daha ucuz nahar edə bilirlər".<br/> <div class="embed-responsive" embed-responsive-16by9"> <iframe class="embed-responsive-item" src="https://player.bax.tv/embed/144918.html" allowfullscreen></iframe> </div><br/> Ekspertə görə, ali məktəblər keyfiyyətli təhsilə görə pul qazanmağı bacarmalıdırlar: “Bu pul da tələbəyə bu və ya digər formada keyfiyyətli təhsil kimi qaytarılmalıdır. Belə bir mexanizm olmalı və işləməlidir. Azərbaycan universitetlərinin təhsil haqqı dünyanın 1000 universitetindən bahadır. Keyfiyyət isə onlardan dəfələrlə aşağıdır. Məsələn, müəyyən ixtisaslar var ki, plan yeri çoxdur və müəyyən edilmiş xərclər smetası üzrə ortaya çıxan məbləğ daha çox tələbə arasında bölüşdürülür, bu zaman ortaya az məbləğ çıxır. Amma xalq çalğı alətləri, solo oxuma, dirijorluq və digər ixtisaslar üzrə plan yeri az olduğu üçün bütün xərclər az plan yeri arasında bölüşdürülür və nəticədə bu ixtisaslar üzrə yüksək təhsil haqları formalaşır. Bu, əlbəttə, təklif olunan qiymətlərdir. Bunun qarşılığında universitetlər aldıqları təhsil haqqına uyğun keyfiyyətli kadr hazırlaya bilmirlər. Hazırladıqları kadrlar əmək bazarının tələblərinə cavab vermir. Çox az sayda universitetimiz əmək bazarının, çağdaş tələblərin səsinə səs verərək yeni ixtisasların tədrisinə şərait yaradır. ADA Universiteti, Bakı Dövlət Universiteti, Bakı Ali Neft Məktəbi, UNEC, son illərdə də ATU bu prinsiplərə əməl edir və əmək bazarının tələblərini diqqətə alır”.
<p>Bir aya yaxın müddətdir ki, yeni dərs ili başlanıb və bütün tədris müəssisələrində ənənəvi dərslər bərpa olunub.Ölkəmizdə şagirdlər dövlət məktəblərində ödənişsiz formada təhsil almaq imkanı olsa da, bəzən valideynlər övladlarının daha keyfiyyətli təhsil alması üçün özəl məktəblərə üz tuturlar. Çünki bu məktəblərdə nəqliyyat xidməti, qidalanma, dərsdən sonra əlavə dərnək və məşğələlər, əlavə olaraq 2-3 xarici dilin öyrədilməsi, tədrisin yalnız xarici dildə aparılması əsas fərqlilikdir. Özəl məktəblərdə qiymətlər təhsil pilləsindən (ibtidai, orta və tam orta təhsil), Azərbaycan, rus və ingilis dilli qruplardan, xarici və ya yerli müəllimlərin dərs deməsindən asılı olaraq dəyişir. Məsələn, Azərbaycan bölməsinə nisbətən xarici bölmələrdə və xarici müəllimlərindərs dediyi bölmələrin illik təhsil haqları olduqca yüksəkdir. Özəl məktəblərdən biri olan Zirvə liseyində qiymətlər 4200-4900, “Landau School”da 4800-8000, Britaniya məktəbində 12000-14000, “Dünya” məktəbində 8000-14000, Evrika liseyində 8000-11000, Avropa Azərbaycan məktəbində 9950-15000, Bakı Fransız liseyində 15000-19000, Azərbaycan Beynəlxalq məktəbində 53873-61200 manat aralığında dəyişir.Yuxarıdakı rəqəmlərdən göründüyü kimi özəl məktəblərin qiyməti fantastik dərəcədə bahadır. Bəs görəsən, bu qiymətlər hesablanarkən, Azərbaycandakı məvacibin həcmi nəzərdə tutulurmu? 61 min manat olan təhsil müəssisələrində ABŞ, Kanada universitetləri səviyyəsində təhsil verilirmi?Təhsil eksperti <b>İlqar Orucov</b> Bizimyol.info-nun sulallarını cavablandıran zaman bildirib ki, özəl məktəblərdə tədris xarici dildə aparıldığı üçün valideynlər bu məktəbləri seçərkən övladlarının gələcəkdə xaricdə oxuyacağını planlaşdırırlar. İlqar Orucov“Özəl məktəblərdə qiymətlər fərqlidir. Bu qiymətlər haradasa 5000 manatdan başlayır və ortalama qiymət 10000 manat civarındadır. Özəl təhsil müəssisələri arasında daha yüksək qiymətə təhsil verənlər də var.Dövlətin alternativ olaraq icbari orta təhsil vermək öhdəliyi var. Bu, Konsitusiyada da öz əksini tapıb. Buna baxmayaraq, dövlət valideynlərə övladlarının təhsilini özəl məktəblərdə davam etdirməsi ilə bağlı da imkan yaradır.Bu özəl məktəblərin bəzilərində qiymətlər doğrudan da fantastikdir. Amma bu məktəblərin də öz şagirdləri var və xeyli sayda şagird bu məktəblərdə təhsil alır. Özəl məktəbləri bitirmiş şagirdlərin böyük əksəriyyəti xaricdə təhsilə hədəflənir. Bu özəl məktəblərdə proqramlar birbaşa xaricdə imtahan verməyə istiqamətlənib.Düşünürəm ki, bu qiymət müqabilində həmin məktəblərin verdiyi təhsil valideynləri qane etməsə, bu narazılıqlara səbəb ola bilər.Bu məktəblərdə ödəniş sestemi olmasına baxmayaraq, şagird seçərkən belə onların dərsləri mənimsəməsinə, davranışlarına diqqət yetirirlər. Çünki bu şagird həmin təhsil müəssisəsini bitirib ali məktəbə daxil olmazsa, məktəb bununla bağlı məsuliyyət daşıyır. Seçim nəticəsində şagird qəbul etdikləri üçün bu məktəblərdə məzun olan tələbələrin göstəricisi demək olar ki, 10 faiz olur.Qiymətlərə gəldikdə isə bu, bazara uyğun formalaşır və valideynlərin seçiminə buraxılır”.Bizimyol.info</p> <div class="embed-responsive" embed-responsive-16by9 mb-4"> <iframe class="embed-responsive-item" src="https://player.bax.tv/embed/144917.html" allowfullscreen></iframe> </div>
<p><b>Azərbaycan Respublikası Vəkillər Kollegiyasının sədri Anar Bağırov Rusiyada "Vəkilliyin İnkişafı" ordeni ilə təltif olunub.</b></p> <p>A.Bağırov Moskvaya səfəri çərçivəsində Rusiya Vəkillər Gildiyasının prezidenti, Rusiya Vəkillik və Notariat Akademiyasının rektoru, Beynəlxalq Rusdilli Vəkillər Assosiasiyasının prezidenti, "Moskva Hüquq Mərkəzi" Vəkillər Kollegiyasının Rəyasət Heyətinin sədri, hüquq elmləri doktoru, vəkillik və notariat kafedrasının professoru, Rusiya Federasiyasının əməkdar hüquqşünası Həsən Mirzəyevlə görüşüb.Görüş zamanı Azərbaycan vəkilliyinin inkişafı barədə fikir mübadiləsi aparılıb. H.Mirzəyev Azərbaycan vəkilliyinin inkişafına və güclənməsinə görə məmnunluğunu ifadə edib.Daha sonra H.Mirzəyev Vəkillər Kollegiyasının sədri A.Bağırovu Rusiya Vəkillər Gildiyasının "Vəkilliyin İnkişafı" ordeni ilə təltif edib.A.Bağırov isə H.Mirzəyevə “Azərbaycan vəkilliyinin 100 illiyi” yubiley döş nişanını təqdim edib.</p> <div class="embed-responsive" embed-responsive-16by9 mb-4"> <iframe class="embed-responsive-item" src="https://www.facebook.com/plugins/video.php?height=476&href=https%3A%2F%2Fwww.facebook.com%2Fanar.baghirov%2Fvideos%2F1000164140837582%2F&show_text=false&width=269&t=0" allowfullscreen></iframe> </div> <div class="container" no-gutters"> <div class="row"> <div class="col-sm-4" col-xs-6 col-md-3 col-lg-6 p-1"> <a class="fancybox" d-block" data-fancybox="gallery" href="https://cdn.azerforum.com/2021/10/14/3832050.jpg"> <img class="img-fluid" alt="" src="https://cdn.azerforum.com/2021/10/14/3832050.jpg"/> </a> </div> </div> </div>
<p>Artıq iki ildən çoxdur ki, bütün dünya, eləcə də Azərbaycanda pandemiya ilə əlaqədar olaraq qadağalar və məhdudiyyətlər tətbiq edilir. Restoranların müəyyən şərtlərlə fəaliyyəti, çay evlərində qəlyana icazə verilməməsi və s. bu kimi məhdudiyyətlər istehlakçıların narazılığına səbəb olur.Azərbaycan Azad İstehlakçılar" Birliyinin sədri və Qida Təhlükəsizliyi Agentliyi yanında İctimai Şuranın üzvü Eyyub Hüseynov Bizimyol.info saytına açıqlamasında bildirib ki, istehlakçılar hər zaman sərbəstlik istəyir. Onlar sərbəst seçim və sərbəst hərəkət hüququnun olmasını - qısacası, hər şeydə sərbəstlik istəyir. Ancaq bütün dünyada olduğu kimi Azərbaycanda da qaydalar sərtləşdirildi. İstehlakçıların əlində olan sərbəstlik, müəyyən qədər alınmış oldu. İstehlakçıların buna qarşı narazılığı da var.</p> <p><br/> "İstehlakçılar anlamalıdır ki, bu ümumi bir bəladır və hökumətlər, istehlakçıları qorumaq üçün qanunları sərtləşdirərək onların hüquqlarını məhdudlaşdırır. Restoranlarda, kafelərdə istehlakçıların narazılığı var. Onlar çox sayda adamla retoranlara getmək, sərbəst hərəkət etmək istəyirlər. Lakin dövlətimizin insanları qorumaq üçün tətbiq etdiyi qaydalar var ki, bu istehlakçılarn bir-birinə yaxın məsafədə oturmaması, masaların üzərində spirt olması, bəzən maska tələb olunması halları vardır. Düşünürəm ki, pandemiya rejimində bu vacib tələblərdir və istehlakçılar da bu qaydalara əməl etməlidir. Əlbəttə, istehlakçı istəyir ki, harda oldu siqaret çəksin, harda oldu qəlyan çəksin, sərbəst olsun və s. Lakin pandemiya dövründə istehlakçılar dövlətin qoyduğu qaydalara əməl etməlidirlər ki, pandemiya daha çox yayılmasın" - deyən E.Hüseynov bildirib ki, istehlakçılar, restoranların səhərə qədər işləməsinin tərəfdarıdır, lakin bu da dövlətin qanunlarına görə məhdudlaşdırılıb. Onun sözlərinə görə, bəzi restoranlarda dövlətin qanunları və qanunlardan irəli gələn istehlakçı hüquqlarının pozulması müşahidə olunur. Restoranlarda sıx oturma, gecə saatlarına qədər işləmə, personalın gigiyena qaydalarına əməl etməməsi müşahidə edilir: "Özüm bu yaxınlarda İsmayıllıda Talıstan hotelində oldum. Burada xidmət göstərən personalın gigiyena qaydalarına əməl etmədiyinin şahidi oldum. Çayçının başında böyük bir "şapka", siqaretin biri ağzında, digəri qulağında, maskasız çay gətirirdi. Belə hallara yol vermək olmaz".<br/> Belə hallarla bağlı "Azad İstehlakçılar" Birliyinə həftədə 2-3 zəngin gəldiyini bildirən Hüseynov həmçinin qeyd edib ki, istehlakçının restoranın mətbəxinə baxmaq hüququ var. Bir çox iaşə müəssisələrində mətbəxlərin istehlakçıların üzünə bağlı olduğunu vurğulayan E.Hüseynov istehlakçılara açıq mətbəxi olan müəssisələrə getməyi tövsiyyə edir.<br/> "Biz bir televiziya layihəsi çərçivəsində, Bakıda fəaliyyət göstərən müəssisələrin mətbəxində monitorinqlər apardıq. Bakının mərkəzində yerləşən və zalı son dərəcə cəlbedici olan, lakin mətbəxi son dərəcə bərbad vəziyyətdə olan restoranlar gördük. Hətta hardasa hazırlanıb gətirilmiş yeməklər, orada qızdırılıb istehlakçılara verilirdi. Biz, ancaq Nizami küçəsində bir restoranda zala monitor qoydurduq və istehlakçının mətbəxi izləməsinə nail ola bildik. Təəssüf ki, bu da uzun müddət davam etmədi. Bu yaxınlarda həmin monitorun yığışdırıldığını gördüm. Biz istehlakçının mətbəxi görə biləcəyi şəffaf mühit yaratmağa nail olmalıyıq" - deyə ekspert qeyd edib.<br/> Bəli, pandemiya dövrünün bəzən narazılıqlara səbəb olan qaydaları var. Bəzi iaşə obyektlərinin fəaliyyətinə icazə verilməsinə baxmayaraq, hələ də paytaxtda sauna və hamamların fəaliyyətinə icazə verilmir. Digər müəssisələrdə olduğu kimi hamam və saunalar da COVID-10 pasportu ilə fəaliyyət göstərə bilər. Ancaq görünür ki, hələ bu sahə hökümətin yadına düşmür.<br/> <b>İlahin, Bizimyol.info</b></p>
<p><b>Xəbər verdiyimiz kimi, Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə rəhbərlik etdiyi nümayəndə heyəti ilə Moskvaya səfər edib.</b></p> <p>Nümayəndə heytəində Hacı Allahşükür Paşazadənin oğlu Məhəmməd Paşazadə də təmsil olunub. Məhəmməd Paşazadə dünən Moskva və Bütün Rusiyanın Patriarxı Kirill arasında görüşdə də görüntülənib. Həmçinin bu gün Moskvada Azərbaycan, Rusiya və Ermənistan dini liderlərinin görüşündə də iştirak edib.</p> <div class="embed-responsive" embed-responsive-16by9 mb-4"> <iframe class="embed-responsive-item" src="https://player.bax.tv/embed/145161.html" allowfullscreen></iframe> </div>
<p>Gəncə Dövlət Universitetində Pedaqoji fakültənin Tədris metodiki şurasının sədri, dosent Ziyafət Vilayət qızı Bayramova universitetdə baş verən özbaşınalıqlarla bağlı müraciət ünvanlayıb.Məktubda bildirilir ki, ali məktəblərdə dekan vəzifəsinə seçkilərin keçirilməsi haqqında mövcud əsasnaməyə görə eyni bir müəssisədə, eyni bir şəxs ardıcıl olaraq iki dəfədən artıq dekan seçilə bilməz, lakin GDU-nun rektoru Yusif Yusibov bu təlimatı pozaraq həyatının 20 ildən artığını dekan işləmiş rüşvətxor, kollektivin nifrətini qazanmış bir şəxsi Bayram Apoyevi yenidən dekan seçmək istəyir. “Pedaqoji fakültənin hazırki dekanı Apoyev Bayram Fəti oğlu 20 ildir ki, dekan işləyir. Dekan işlədiyi 20 ildən artıq müddətdə müavininə belə etibar etmədən tələbələrdən pulu şəxsən özü yığıb.Bayram Apoyev özü yaxın ətrafı ilə söhbət edərkən, deyib ki, "Ali Attestasiya Komissiyasında mənim yaxın adamım var, ona 30000 manat vermişəm, ekspertdən də keçmişəm, yaxın vaxtlarda təsdiqimi alacam. Təsdiqini almaq istəyən başqa yoldaşlardan kim istəsə ona da kömək də edə bilərəm. Bütün bunlar Ali Attestasiya Komissiyasında işləyən bəzi şəxslərin korrupsiyaya bulaşdığını göstərir.Şikayəti mən yazmışam və bu məktub bütün Pedaqoji fakültənin professor-müəllim heyətinin mövqeyini ifadə edir. Amma universitetin rektorunun baş müşaviri Asif Cavadov mənim adımdan müxtəlif təşkilatlara məlumat göndərir ki,guya Ziyafət Bayramova izahat verib ki, məktubu mən yazmamışam”,- deyə şikayətçi qeyd edib.Məsələ ilə bağlı Gəncə Dövlət Universitetinin rektorunun baş müşaviri Asif Cavadzadə Bizimyol.info-ya açıqlaması zamanı bildirib ki, rektor dekan təyin etmir və dekan vəzifəsi 5 ildən bir seçki ilə keçirilir.“Fakultənin əməkdaşlarını səsverməsi nəticəsində, səs çoxluğu qazanan şəxs dekan seçilir. Təbii ki, 5 il müddətinə. 5 il tamma olduqdan sonra yenidən seçkilər keçirilir.Apoyev Bayramın isə 5 il müddəti hələ dekabr ayında bitəcək. Dekabrda elan veriləcək və hardasa 3-4 ay seçki hazırlığı aparılacaq”,- deyə bildirib.</p> <div class="embed-responsive" embed-responsive-16by9 mb-4"> <iframe class="embed-responsive-item" src="https://player.bax.tv/embed/144920.html" allowfullscreen></iframe> </div>
<b>Xəbər verdiyimiz kimi, bu gün saat 08:00 radələrində Mərdəkan istiqamətində hərəkətdə olan 99 DH 343 dövlət qeydiyyat nişanlı “Mercedes” markalı yük avtomobili aeroport yolunda “Ayşən LTD” şirkətinin müvəqqəti istismarında olan 171 nömrəli müntəzəm marşrut xətti üzrə 10 TH 116 dövlət qeydiyyat nişanlı sərnişin avtobusuna çırpılıb. Baş verən yol nəqliyyat hadisəsi nəticəsində 5 nəfər həyatını itirib, 21 nəfər müxtəlif xəsarətlərlə xəstəxanaya çatdırılıb.</b> Yeniavaz.com xəbər verir ki, daha əvvəl də “Ayşən LTD” şirkətinə məxsus müntəzəm marşrut xəttində işləyən avtobusların iştirakı ilə bu cür ağır qəzalar baş verib.<div class="embed-responsive" embed-responsive-16by9"> <iframe class="embed-responsive-item" src="https://player.bax.tv/embed/145010.html" allowfullscreen></iframe> </div><br/> 17.07.2016-cı il tarixində "Ayşən LTD"-nin müvəqqəti istismarında olan 171 saylı marşrut xətt üzrə xidmət göstərən 10 TF 993 dövlət qeydiyyat nişanlı "Daewoo" markalı avtobus və "Shacman" markalı yük maşınının iştirakı ilə ağır yol nəqliyyat hadisəsi olub. Baş vermiş yol nəqliyyat hadisəsi nəticəsində 21 nəfər müxtəlif dərəcəli bədən xəsarətləri alıb.<br/> 01.10.2018-ci il tarixində “Ayşən LTD” şirkətinə məxsus 160 nömrəli müntəzəm marşrut xətti üzrə hərəkət edən 10-TG-106 dövlət qeydiyyat nişanlı sərnişin avtobusu ilə qatar toqquşub. Nəticədə 42 sərnişini xəstəxanaya yerləşdirilib, 2 nəfər həyatını itirib. İstintaq zamanı məlum olub sürücü əvəllər məhkum olunmuş şəxs olub.<br/> Məlumat üçün onu da bildirək ki, “Ayşən LTD” şirkəti 2004-cü ildən dövlət qeydiyyatına alınıb. Nizamnamı kapitalı cəmi 10 manat olan şirkətin rəhbəri Əliyeva İradə Zülfü qızıdır.<br/> Onu da bildirək ki, bugünə kimi mətbuatda İradə Əliyevanın sabiq nəqliyyat naziri Ziya Məmmədovun yaxın qohumu və həmkəndlisi olması ilə bağlı çoxsaylı məlumatlar yayılıb.<br/> Xatırladaq ki, baş verən qəzalardan sonra Bakı Nəqliyyat Agentliyi (BNA) “Ayşən LTD” şirkətilə imzalanan bir-sıra müqavilələrə xitam verib.
<p>Azərbaycan Respublikası Vəkillər Kollegiyasının sədri, Azərbaycan Respublikası Məhkəmə-Hüquq Şurasının üzvü Anar Bağırov Moskva şəhərində Rusiya Federal Vəkillər Palatasının təşkilatçılığı ilə keçirilən "Vəkillik, dövlət və cəmiyyət" mövzusuna həsr olunmuş beynəlxalq konfransda çıxış edərkən Rusiya Federasiyası Vəkillər Federal Palatası ilə əməkdaşlıqdan da danışıb.</p> <p>A. Bağırov bildirib ki, son illərdə Azərbaycan Vəkillər Kollegiyası Rusiya Federasiyası Vəkillər Federal Palatası ilə fəal şəkildə əməkdaşlıq edir.<br/> O xatırladıb ki, 28 dekabr 1999-cu ildə "Vəkillər və vəkillik fəaliyyəti haqqında" Azərbaycan Respublikasının Qanunu qəbul edilib. A. Bağırov qeyd edib ki, son üç il ərzində vəkillərin sayı 2,5 dəfə artıb, vəkillik xeyli gəncləşib və vəkil bürolarının sayı 3,5 dəfə artıb: "Azərbaycanda bu peşəyə qəbul olmaq üçün ciddi seçimdən keçmək lazımdır. Birinci mərhələdə test imtahanı verilir. İkinci mərhələ şifahi imtahan - müsahibədir. Daha sonra namizədlərə məcburi hazırlıq kursları keçirilir, bundan sonra and içir və peşəyə qəbul olunurlar".<br/> A. Bağırov dövlət hesabına hüquqi yardıma görə ödənilən vəsaitdən də danışıb: "Bu proses tamamilə Azərbaycan Vəkillər Kollegiyası tərəfindən həyata keçirilir. Hər il ölkə büdcəsində bu xərclərin məbləği göstərilir. Eyni zamanda Azərbaycanda Türkiyənin vəkillik təcrübəsi tətbiq olunur. Xüsusilə hər bir vəkil orderinə bütün qoruyucu xüsusiyyətləri olan xüsusi marka yapışdırılması nəzərdə tutulur. Vəkillər Kollegiyasına hər bir marka üçün unikal nömrə verilir. Vəkilin bağladığı hər bir müqavilədən vəsait Vəkillər Kollegiyasının ayrı bir hesabına köçürülür. Bu vəsaitlər regional ofislərdə vəkillərin iş şəraitinin yaxşılaşdırılması, binaların təmiri və başqa işlər üçün xərclənir. Beləliklə, vəkil peşəsinin maliyyə müstəqilliyi təmin edilir".<br/> Anar Bağırov eyni zamanda vəkilliyin rəqəmsallaşdırılması sahəsində yeniliklər barədə məlumat verib: "Vəkillər "Elektron məhkəmə" informasiya sistemini fəal şəkildə tətbiq edirlər. Yaxın hədəflər arasında vəkillərin "Elektron hökumət" sisteminə inteqrasiyası, "Elektron məhkəmə" sisteminə tam inteqrasiya üçün elektron sorğuların tətbiqi də yer alır. Vəkillər və vətəndaşlar üçün mobil proqram tətbiqi yaradılmışdır ki, hər bir vətəndaş elektron qaydada müəyyən haqq müqabilində hüquqi yardım alsın. Ancaq qeyd etməliyəm ki, Azərbaycanda bəzi kateqoriyaya aid vətəndaşlar ödənişsiz hüquqi yardım alırlar".<br/> A. Bağırov onu da vurğulayıb ki, Azərbaycan Respublikasının Vəkillər Kollegiyası ilə Rusiya Federasiyasının Vəkillər Federal Palatası arasında qarşılıqlı əməkdaşlıq 2018-ci ildə başlayıb, lakin qısa müddətdə xeyli nəticələr əldə edilib.<br/> Sonda Anar Bağırov Azərbaycan Respublikası Vəkillər Kollegiyasının Rəyasət Heyəti tərəfindən qəbul olunmuş Rusiya Federasiyası Federal Vəkillər Palatasının prezidenti Yuriy Pilipenkoya ölkələrimizin və bütövlükdə MDB ölkələrinin vəkilləri arasında əməkdaşlığın möhkəmlənməsinə verdiyi töhfəyə görə "Azərbaycan Respublikasının fəxri vəkili" adı verilməsi barədə məlumat verib.</p>
