AZ

Bel çantasına uyğun: SpaceX Starlink-in mini versiyasını satmağa başladı

Daxili Wi-Fi marşrutlaşdırıcısı olan 599 dollarlıq Starlink Mini bir neçə ölkədə satışdadır.

Qaynarinfo xəbər  verir ki, SpaceX bəzi istifadəçilərə bel çantasına sığacaq qədər kiçik olan yeni Starlink dəsti təklif etməyə başlayıb. Starlink Mini 599 dollara başa gələcək. Bu, standart paketdən 100 dollar çoxdur və istifadəçilərin standart xidmət planı olmalıdır: Mini Roam xidmətinə qoşulmaq ayda yalnız əlavə 30 dollara başa gəlir. TechCrunch qeyd edir ki, özəl Starlink müştərisi Mini alacağı təqdirdə aylıq 150 dollar ödəməli olacaq.
SpaceX qeyd edib ki, o, Starlink-i ümumilikdə daha sərfəli etmək üçün çalışır və hazırda yalnız "yüksək istifadə bölgələrində" məhdud sayda Mini dəstlər təklif edir. Bir neçə gün əvvəl şirkət rəhbəri İlon Mask X-də (Twitter) Mini haqqında danışıb və onu "əla aşağı qiymətli seçim” adlandırıb. O, həmçinin deyib ki, bu versiya aylıq abunə üçün standart "boşqabın” qiymətinin təxminən yarısına" başa gələcək.

Starlink Mini antennasında quraşdırılmış Wi-Fi marşrutlaşdırıcısı var, ona görə də o, standart versiyadan nəinki kiçikdir, həm də İnternetə daxil olmaq üçün daha az komponent tələb edir. Mini versiya həmçinin daha az enerji istehlak edir, DC enerji təchizatına malikdir və 100 Mbps-dən çox yükləmə sürətinə nail olmaq iqtidarındadır. Boşqabın özündən əlavə dəst stend, adapter və enerji təchizatı və bir ucunda USB-C konnektoru və digər ucunda yuva olan şnur ilə təchiz olunacaq.

Alpər
Bütün xəbərləri reklamsız oxumaq üçün

Günlük ölkədə baş verən xəbərləri bizdən izlə.

Seçilən
110
qaynarinfo.az

1Mənbələr