Tacikistanda “Crocus City Hall”da terror törədənlərlə əlaqədə olan doqquz nəfər saxlanıldı

Tacikistanda Moskva vilayəti yaxınlığındakı “Crocus City Hall”da terror aktını törədənlərlə əlaqədə olan doqquz nəfər saxlanılıb.

Bu barədə “Asia-Plus” “Telegram” kanalı respublikanın təhlükəsizlik orqanlarındakı öz mənbələrinə istinadən məlumat verib.

Bildirilib ki, bu həftə Tacikistanın Dövlət Milli Təhlükəsizlik Komitəsinin əməkdaşları tərəfindən ən azı doqquz nəfər “Crocus City Hall”a hücum edənlərlə əlaqədə olduqları üçün saxlanılıb.

Məlumata görə, onların hamısı Vahdat şəhərinin sakinləridirlər.