Çinli yeniyetmə ailəsinin bütün əmanətlərini onlayn oyunlara xərcləyib

Çindən olan bir yeniyetmə ailəsinin bütün əmanətlərini onlayn oyunlara xərcləyib, Asia One yazır.

Tələbənin valideynlərinin dediyinə görə, onlar 37 min dollar itiriblər.

Çenq soyadlı bir adam, ailəsinin bank kartına çıxışı olan 15 yaşlı oğlunun bütün pulu onlayn oyunlarda alış-verişə xərclədiyini söylədi. Atasının dediyinə görə, bütün bunlar onun bir neçə il zavodda işləyərkən topladığı əmanətlər idi.

Bundan əlavə, Çenq keçən il işdə ayağını sındırdığı üçün hələ işə gedə bilmir. Xoşbəxtlikdən, kişinin böyük qızı köməyə gəlib və məbləğin kiçik bir hissəsini qaytarıb. Onlayn oyunun nümayəndələri bildiriblər ki, onlar yeniyetmənin xərclədiyi pulu qaytarmağa cəhd edə bilərlər.

Etdiyini anlayan oğul atasından bunun bir daha təkrar olunmayacağına söz verərək bağışlanmasını istəyib.

Mənbə: Haberler.com