Qrizmann qayıtdı

"Atletiko"nun hücumçusu Antuan Qrizmann zədəsini sağaldıb.

QOL.az xəbər verir ki, bu barədə "Marca" məlumat yayıb. 32 yaşlı futbolçu artıq komanda ilə məşqlərə başlayıb.

Qrizmann zədə səbəbindən Fransa millisinin mart ayındakı oyunlarını buraxmışdı. O , 2017-ci ildən bəri ilk dəfə millinin oyunlarında iştirak etməyib.

Bu mövsüm Qrizmann 38 oyuna çıxıb, 19 qol vurub və 7 qolun ötürməsini verib. Onun "Atletiko" ilə müqaviləsi 2026-cı ilin iyunun sonuna kimi nəzərdə tutulub.