AZ

"Yaşıl inkişafı təşviq etmək üçün gücləri birləşdirməliyik"

Parlamentarilərin yaşıl keçidin təşviqində və Aralıq dənizi boyunca ekoloji problemlərin həllində mühüm rolu var.

 

Modern.az xəbər verir ki, bunu ATƏT Parlament Assambleyasının üzvü Azay Quliyev bu gün Portorojda bildirib. 

 

Barselona Konvensiyasının Razılığa Gələn Tərəflərin 23-cü Toplantısında (COP 23) çıxış edən Azay Quliyev qeyd edib ki, qanunvericilər milli qanunvericiliyi formalaşdırmaqla yanaşı, həm də resurslar ayırır və hökumətləri Barselona Konvensiyasında və onun 7 Protokolunda nəzərdə tutulan öhdəliklərə görə məsuliyyət daşıyırlar.

 

“Hökumətlər, parlamentlər və vətəndaş cəmiyyəti Aralıq dənizi hövzəsinin incə ətraf mühitini qoruyarkən yaşıl inkişafı təşviq etmək üçün güclərini birləşdirməlidir”, - o vurğulayıb.

 

ATƏT PA-nın İqtisadi Məsələlər, Elm, Texnologiya və Ətraf Mühit Komitəsinin sədri vəzifəsini icra edən Azay Quliyev Parlament Assambleyasının iqtisadi və ekoloji aspektdə gördüyü işləri xüsusi qeyd edib, Aralıq dənizi hövzəsinin PA-nın səylərinin əsas istiqamətini təşkil etdiyini qeyd edib. O, ATƏT PA-nın güclü parlament perspektivini təmin etməklə Davamlı İnkişaf üzrə Aralıq dənizi Komissiyasına rəsmi töhfə verdiyini diqqətə çatdırıb və aktual çağırışlar üzrə beynəlxalq əməkdaşlığın təşviq edilməsinin vacibliyini vurğulayıb. Onun sözlərinə görə, bu, vətəndaşların narahatlıqlarının dinlənilməsini və qərarların qəbulunun ən yüksək səviyyələrində həllini təmin etmək üçün vacibdir.

Seçilən
82
50
Mənbələr
Şərh ()
Bağla